Sukta 149

149.1

5 dirghatama auchathyah, agnih, virat

म॒हः स रा॒य एष॑ते॒ पति॒र्दन्नि॒न इ॒नस्य॒ वसु॑नः प॒द आ ।
उप॒ ध्रज॑न्त॒मद्र॑यो वि॒धन्नित् ॥१॥

Mahah sa raya eshate patirdannina inasya vasunah pada a
Upa dhrajantamadrayo vidhannit

149.2

स यो वृषा॑ न॒रां न रोद॑स्यो॒ः श्रवो॑भि॒रस्ति॑ जी॒वपी॑तसर्गः ।
प्र यः स॑स्रा॒णः शि॑श्री॒त योनौ॑ ॥२॥

Sa yo vrisha naram na rodasyoh shravobhirasti jivapitasargah
Pra yah sasranah shishrita yonau

149.3

आ यः पुरं॒ नार्मि॑णी॒मदी॑दे॒दत्य॑ः क॒विर्न॑भ॒न्यो॒ ३ नार्वा॑ ।
सूरो॒ न रु॑रु॒क्वाञ्छ॒तात्मा॑ ॥३॥

A yah puram narminimadidedatyah kavirnabhanyo 3 narva
Suro na rurukvanchhatatma

149.4

अ॒भि द्वि॒जन्मा॒ त्री रो॑च॒नानि॒ विश्वा॒ रजां॑सि शुशुचा॒नो अ॑स्थात् ।
होता॒ यजि॑ष्ठो अ॒पां स॒धस्थ॑श ॥४॥

Abhi dvijanma tri rochanani vishva rajansi shushuchano asthat
Hota yajishtho apam sadhasthasha

149.5

अ॒यं स होता॒ यो द्वि॒जन्मा॒ विश्वा॑ द॒धे वार्या॑णि श्रव॒स्या ।
मर्तो॒ यो अ॑स्मै सु॒तुको॑ द॒दाश॑ ॥५॥

Ayam sa hota yo dvijanma vishva dadhe varyani shravasya
Marto yo asmai sutuko dadasha