UtshovDoha 84
84.1
Chaupai
देखि चरित यह सो प्रभुताई। समुझत देह दसा बिसराई।।
धरनि परेउँ मुख आव न बाता। त्राहि त्राहि आरत जन त्राता।।
प्रेमाकुल प्रभु मोहि बिलोकी। निज माया प्रभुता तब रोकी।।
कर सरोज प्रभु मम सिर धरेऊ। दीनदयाल सकल दुख हरेऊ।।
कीन्ह राम मोहि बिगत बिमोहा। सेवक सुखद कृपा संदोहा।।
प्रभुता प्रथम बिचारि बिचारी। मन महँ होइ हरष अति भारी।।
भगत बछलता प्रभु कै देखी। उपजी मम उर प्रीति बिसेषी।।
सजल नयन पुलकित कर जोरी। कीन्हिउँ बहु बिधि बिनय बहोरी।।
Dekhi charit yah so prabhutai, samujhat deh dasa bisarai
Dharani pareum mukh av na bata, trahi trahi arat jan trata
Premakul prabhu mohi biloki, nij maya prabhuta tab roki
Kar saroj prabhu mam sir dhareu, dinadayal sakal dukh hareu
Kinha ram mohi bigat bimoha, sevak sukhad kripa sandoha
Prabhuta pratham bichari bichari, man maham hoi harash ati bhari
Bhagat bachhalata prabhu kai dekhi, upaji mam ur priti biseshi
Sajal nayan pulakit kar jori, kinhium bahu bidhi binay bahori
84.2
Doha/soratha
सुनि सप्रेम मम बानी देखि दीन निज दास।
बचन सुखद गंभीर मृदु बोले रमानिवास ॥83(क)॥
Suni saprem mam bani dekhi din nij das
Bachan sukhad gambhir mridu bole ramanivas, 83(ka)
84.3
Doha/soratha
काकभसुंडि मागु बर अति प्रसन्न मोहि जानि।
अनिमादिक सिधि अपर रिधि मोच्छ सकल सुख खानि ॥83(ख)॥
Kakabhasundi magu bar ati prasanna mohi jani
Animadik sidhi apar ridhi mochchha sakal sukh khani, 83(kh)