UtshovDoha 83
83.1
Chaupai
भ्रमत मोहि ब्रह्मांड अनेका। बीते मनहुँ कल्प सत एका।।
फिरत फिरत निज आश्रम आयउँ। तहँ पुनि रहि कछु काल गवाँयउँ।।
निज प्रभु जन्म अवध सुनि पायउँ। निर्भर प्रेम हरषि उठि धायउँ।।
देखउँ जन्म महोत्सव जाई। जेहि बिधि प्रथम कहा मैं गाई।।
राम उदर देखेउँ जग नाना। देखत बनइ न जाइ बखाना।।
तहँ पुनि देखेउँ राम सुजाना। माया पति कृपाल भगवाना।।
करउँ बिचार बहोरि बहोरी। मोह कलिल ब्यापित मति मोरी।।
उभय घरी महँ मैं सब देखा। भयउँ भ्रमित मन मोह बिसेषा।।
Bhramat mohi brahmand aneka, bite manahun kalpa sat eka
Phirat phirat nij ashram ayaum, taham puni rahi kachhu kal gavanyaum
Nij prabhu janma avadh suni payaum, nirbhar prem harashi uthi dhayaum
Dekhaum janma mahotsav jai, jehi bidhi pratham kaha main gai
Ram udar dekheum jag nana, dekhat banai na jai bakhana
Taham puni dekheum ram sujana, maya pati kripal bhagavana
Karaum bichar bahori bahori, moh kalil byapit mati mori
Ubhay ghari maham main sab dekha, bhayaum bhramit man moh bisesha
83.2
Doha/soratha
देखि कृपाल बिकल मोहि बिहँसे तब रघुबीर।
बिहँसतहीं मुख बाहेर आयउँ सुनु मतिधीर ॥82(क)॥
Dekhi kripal bikal mohi bihanse tab raghubir
Bihansatahin mukh baher ayaum sunu matidhir, 82(ka)
83.3
Doha/soratha
सोइ लरिकाई मो सन करन लगे पुनि राम।
कोटि भाँति समुझावउँ मनु न लहइ बिश्राम ॥82(ख)॥
Soi larikai mo san karan lage puni ram
Koti bhanti samujhavaum manu na lahai bishram, 82(kh)