UtshovDoha 79
79.1
Chaupai
एतना मन आनत खगराया। रघुपति प्रेरित ब्यापी माया।।
सो माया न दुखद मोहि काहीं। आन जीव इव संसृत नाहीं।।
नाथ इहाँ कछु कारन आना। सुनहु सो सावधान हरिजाना।।
ग्यान अखंड एक सीताबर। माया बस्य जीव सचराचर।।
जौं सब कें रह ग्यान एकरस। ईस्वर जीवहि भेद कहहु कस।।
माया बस्य जीव अभिमानी। ईस बस्य माया गुनखानी।।
परबस जीव स्वबस भगवंता। जीव अनेक एक श्रीकंता।।
मुधा भेद जद्यपि कृत माया। बिनु हरि जाइ न कोटि उपाया।।
Etana man anat khagaraya, raghupati prerit byapi maya
So maya na dukhad mohi kahin, an jiv iv sansrit nahin
Nath ihan kachhu karan ana, sunahu so savadhan harijana
Gyan akhand ek sitabar, maya basya jiv sacharachar
Jaun sab ken rah gyan ekaras, isvar jivahi bhed kahahu kas
Maya basya jiv abhimani, is basya maya gunakhani
Parabas jiv svabas bhagavanta, jiv anek ek shrikanta
Mudha bhed jadyapi krit maya, binu hari jai na koti upaya
79.2
Doha/soratha
रामचंद्र के भजन बिनु जो चह पद निर्बान।
ग्यानवंत अपि सो नर पसु बिनु पूँछ बिषान ॥78(क)॥
Ramachandra ke bhajan binu jo chah pad nirban
Gyanavant api so nar pasu binu punchh bishan, 78(ka)
79.3
Doha/soratha
राकापति षोड़स उअहिं तारागन समुदाइ।।
सकल गिरिन्ह दव लाइअ बिनु रबि राति न जाइ ॥78(ख)॥
Rakapati shoras uahin taragan samudai
Sakal girinha dav laia binu rabi rati na jai, 78(kh)