UtshovDoha 78
78.1
Chaupai
अरुन पानि नख करज मनोहर। बाहु बिसाल बिभूषन सुंदर।।
कंध बाल केहरि दर ग्रीवा। चारु चिबुक आनन छबि सींवा।।
कलबल बचन अधर अरुनारे। दुइ दुइ दसन बिसद बर बारे।।
ललित कपोल मनोहर नासा। सकल सुखद ससि कर सम हासा।।
नील कंज लोचन भव मोचन। भ्राजत भाल तिलक गोरोचन।।
बिकट भृकुटि सम श्रवन सुहाए। कुंचित कच मेचक छबि छाए।।
पीत झीनि झगुली तन सोही। किलकनि चितवनि भावति मोही।।
रूप रासि नृप अजिर बिहारी। नाचहिं निज प्रतिबिंब निहारी।।
मोहि सन करहीं बिबिध बिधि क्रीड़ा। बरनत मोहि होति अति ब्रीड़ा।।
किलकत मोहि धरन जब धावहिं। चलउँ भागि तब पूप देखावहिं।।
Arun pani nakh karaj manohar, bahu bisal bibhushan sundar
Kandh bal kehari dar griva, charu chibuk anan chhabi sinva
Kalabal bachan adhar arunare, dui dui dasan bisad bar bare
Lalit kapol manohar nasa, sakal sukhad sasi kar sam hasa
Nil kanj lochan bhav mochan, bhrajat bhal tilak gorochan
Bikat bhrikuti sam shravan suhae, kunchit kach mechak chhabi chhae
Pit jhini jhaguli tan sohi, kilakani chitavani bhavati mohi
Rup rasi nrip ajir bihari, nachahin nij pratibimb nihari
Mohi san karahin bibidh bidhi krira, baranat mohi hoti ati brira
Kilakat mohi dharan jab dhavahin, chalaum bhagi tab pup dekhavahin
78.2
Doha/soratha
आवत निकट हँसहिं प्रभु भाजत रुदन कराहिं।
जाउँ समीप गहन पद फिरि फिरि चितइ पराहिं ॥77(क)॥
Avat nikat hansahin prabhu bhajat rudan karahin
Jaum samip gahan pad phiri phiri chitai parahin, 77(ka)
78.3
Doha/soratha
प्राकृत सिसु इव लीला देखि भयउ मोहि मोह।
कवन चरित्र करत प्रभु चिदानंद संदोह ॥77(ख)॥
Prakrit sisu iv lila dekhi bhayau mohi moh
Kavan charitra karat prabhu chidanand sandoh, 77(kh)