UtshovDoha 43
43.1
Chaupai
श्रीमुख बचन सुनत सब भाई। हरषे प्रेम न हृदयँ समाई।।
करहिं बिनय अति बारहिं बारा। हनूमान हियँ हरष अपारा।।
पुनि रघुपति निज मंदिर गए। एहि बिधि चरित करत नित नए।।
बार बार नारद मुनि आवहिं। चरित पुनीत राम के गावहिं।।
नित नव चरन देखि मुनि जाहीं। ब्रह्मलोक सब कथा कहाहीं।।
सुनि बिरंचि अतिसय सुख मानहिं। पुनि पुनि तात करहु गुन गानहिं।।
सनकादिक नारदहि सराहहिं। जद्यपि ब्रह्म निरत मुनि आहहिं।।
सुनि गुन गान समाधि बिसारी।। सादर सुनहिं परम अधिकारी।।
Shrimukh bachan sunat sab bhai, harashe prem na hridayam samai
Karahin binay ati barahin bara, hanuman hiyam harash apara
Puni raghupati nij mandir gae, ehi bidhi charit karat nit nae
Bar bar narad muni avahin, charit punit ram ke gavahin
Nit nav charan dekhi muni jahin, brahmalok sab katha kahahin
Suni biranchi atisay sukh manahin, puni puni tat karahu gun ganahin
Sanakadik naradahi sarahahin, jadyapi brahma nirat muni ahahin
Suni gun gan samadhi bisari, sadar sunahin param adhikari
43.2
Doha/soratha
जीवनमुक्त ब्रह्मपर चरित सुनहिं तजि ध्यान।
जे हरि कथाँ न करहिं रति तिन्ह के हिय पाषान ॥42॥
Jivanamukta brahmapar charit sunahin taji dhyan
Je hari kathan na karahin rati tinha ke hiy pashan