UtshovDoha 30
30.1
Chaupai
दूरि फराक रुचिर सो घाटा। जहँ जल पिअहिं बाजि गज ठाटा।।
पनिघट परम मनोहर नाना। तहाँ न पुरुष करहिं अस्नाना।।
राजघाट सब बिधि सुंदर बर। मज्जहिं तहाँ बरन चारिउ नर।।
तीर तीर देवन्ह के मंदिर। चहुँ दिसि तिन्ह के उपबन सुंदर।।
कहुँ कहुँ सरिता तीर उदासी। बसहिं ग्यान रत मुनि संन्यासी।।
तीर तीर तुलसिका सुहाई। बृंद बृंद बहु मुनिन्ह लगाई।।
पुर सोभा कछु बरनि न जाई। बाहेर नगर परम रुचिराई।।
देखत पुरी अखिल अघ भागा। बन उपबन बापिका तड़ागा।।
Duri pharak ruchir so ghata, jaham jal piahin baji gaj thata
Panighat param manohar nana, tahan na purush karahin asnana
Rajaghat sab bidhi sundar bar, majjahin tahan baran chariu nar
Tir tir devanha ke mandir, chahun disi tinha ke upaban sundar
Kahun kahun sarita tir udasi, basahin gyan rat muni sannyasi
Tir tir tulasika suhai, brind brind bahu muninha lagai
Pur sobha kachhu barani na jai, baher nagar param ruchirai
Dekhat puri akhil agh bhaga, ban upaban bapika taraga
30.2
Chhand
बापीं तड़ाग अनूप कूप मनोहरायत सोहहीं।
सोपान सुंदर नीर निर्मल देखि सुर मुनि मोहहीं।।
बहु रंग कंज अनेक खग कूजहिं मधुप गुंजारहीं।
आराम रम्य पिकादि खग रव जनु पथिक हंकारहीं।।
Bapin tarag anup kup manoharayat sohahin
Sopan sundar nir nirmal dekhi sur muni mohahin
Bahu rang kanj anek khag kujahin madhup gunjarahin
Aram ramya pikadi khag rav janu pathik hankarahin
30.3
Doha/soratha
रमानाथ जहँ राजा सो पुर बरनि कि जाइ।
अनिमादिक सुख संपदा रहीं अवध सब छाइ ॥29॥
Ramanath jaham raja so pur barani ki jai
Animadik sukh sampada rahin avadh sab chhai