UtshovDoha 28
28.1
Chaupai
नारदादि सनकादि मुनीसा। दरसन लागि कोसलाधीसा।।
दिन प्रति सकल अजोध्या आवहिं। देखि नगरु बिरागु बिसरावहिं।।
जातरूप मनि रचित अटारीं। नाना रंग रुचिर गच ढारीं।।
पुर चहुँ पास कोट अति सुंदर। रचे कँगूरा रंग रंग बर।।
नव ग्रह निकर अनीक बनाई। जनु घेरी अमरावति आई।।
महि बहु रंग रचित गच काँचा। जो बिलोकि मुनिबर मन नाचा।।
धवल धाम ऊपर नभ चुंबत। कलस मनहुँ रबि ससि दुति निंदत।।
बहु मनि रचित झरोखा भ्राजहिं। गृह गृह प्रति मनि दीप बिराजहिं।।
Naradadi sanakadi munisa, darasan lagi kosaladhisa
Din prati sakal ajodhya avahin, dekhi nagaru biragu bisaravahin
Jatarup mani rachit atarin, nana rang ruchir gach dharin
Pur chahun pas kot ati sundar, rache kangura rang rang bar
Nav grah nikar anik banai, janu gheri amaravati ai
Mahi bahu rang rachit gach kancha, jo biloki munibar man nacha
Dhaval dham upar nabh chumbat, kalas manahun rabi sasi duti nindat
Bahu mani rachit jharokha bhrajahin, grih grih prati mani dip birajahin
28.2
Chhand
मनि दीप राजहिं भवन भ्राजहिं देहरीं बिद्रुम रची।
मनि खंभ भीति बिरंचि बिरची कनक मनि मरकत खची।।
सुंदर मनोहर मंदिरायत अजिर रुचिर फटिक रचे।
प्रति द्वार द्वार कपाट पुरट बनाइ बहु बज्रन्हि खचे।।
Mani dip rajahin bhavan bhrajahin deharin bidrum rachi
Mani khambh bhiti biranchi birachi kanak mani marakat khachi
Sundar manohar mandirayat ajir ruchir phatik rache
Prati dvar dvar kapat purat banai bahu bajranhi khache
28.3
Doha/soratha
चारु चित्रसाला गृह गृह प्रति लिखे बनाइ।
राम चरित जे निरख मुनि ते मन लेहिं चोराइ ॥27॥
Charu chitrasala grih grih prati likhe banai
Ram charit je nirakh muni te man lehin chorai