UtshovDoha 24
24.1
Chaupai
फूलहिं फरहिं सदा तरु कानन। रहहि एक सँग गज पंचानन।।
खग मृग सहज बयरु बिसराई। सबन्हि परस्पर प्रीति बढ़ाई।।
कूजहिं खग मृग नाना बृंदा। अभय चरहिं बन करहिं अनंदा।।
सीतल सुरभि पवन बह मंदा। गूंजत अलि लै चलि मकरंदा।।
लता बिटप मागें मधु चवहीं। मनभावतो धेनु पय स्त्रवहीं।।
ससि संपन्न सदा रह धरनी। त्रेताँ भइ कृतजुग कै करनी।।
प्रगटीं गिरिन्ह बिबिध मनि खानी। जगदातमा भूप जग जानी।।
सरिता सकल बहहिं बर बारी। सीतल अमल स्वाद सुखकारी।।
सागर निज मरजादाँ रहहीं। डारहिं रत्न तटन्हि नर लहहीं।।
सरसिज संकुल सकल तड़ागा। अति प्रसन्न दस दिसा बिभागा।।
Phulahin pharahin sada taru kanan, rahahi ek sang gaj panchanan
Khag mrig sahaj bayaru bisarai, sabanhi paraspar priti barhai
Kujahin khag mrig nana brinda, abhay charahin ban karahin ananda
Sital surabhi pavan bah manda, gunjat ali lai chali makaranda
Lata bitap magen madhu chavahin, manabhavato dhenu pay stravahin
Sasi sampanna sada rah dharani, tretan bhai kritajug kai karani
Pragatin girinha bibidh mani khani, jagadatama bhup jag jani
Sarita sakal bahahin bar bari, sital amal svad sukhakari
Sagar nij marajadan rahahin, darahin ratna tatanhi nar lahahin
Sarasij sankul sakal taraga, ati prasanna das disa bibhaga
24.2
Doha/soratha
बिधु महि पूर मयूखन्हि रबि तप जेतनेहि काज।
मागें बारिद देहिं जल रामचंद्र के राज ॥23॥
Bidhu mahi pur mayukhanhi rabi tap jetanehi kaj
Magen barid dehin jal ramachandra ke raj