UtshovDoha 23
23.1
Chaupai
भूमि सप्त सागर मेखला। एक भूप रघुपति कोसला।।
भुअन अनेक रोम प्रति जासू। यह प्रभुता कछु बहुत न तासू।।
सो महिमा समुझत प्रभु केरी। यह बरनत हीनता घनेरी।।
सोउ महिमा खगेस जिन्ह जानी। फिरी एहिं चरित तिन्हहुँ रति मानी।।
सोउ जाने कर फल यह लीला। कहहिं महा मुनिबर दमसीला।।
राम राज कर सुख संपदा। बरनि न सकइ फनीस सारदा।।
सब उदार सब पर उपकारी। बिप्र चरन सेवक नर नारी।।
एकनारि ब्रत रत सब झारी। ते मन बच क्रम पति हितकारी।।
Bhumi sapta sagar mekhala, ek bhup raghupati kosala
Bhuan anek rom prati jasu, yah prabhuta kachhu bahut na tasu
So mahima samujhat prabhu keri, yah baranat hinata ghaneri
Sou mahima khages jinha jani, phiri ehin charit tinhahun rati mani
Sou jane kar phal yah lila, kahahin maha munibar damasila
Ram raj kar sukh sampada, barani na sakai phanis sarada
Sab udar sab par upakari, bipra charan sevak nar nari
Ekanari brat rat sab jhari, te man bach kram pati hitakari
23.2
Doha/soratha
दंड जतिन्ह कर भेद जहँ नर्तक नृत्य समाज।
जीतहु मनहि सुनिअ अस रामचंद्र कें राज ॥22॥
Dand jatinha kar bhed jaham nartak nritya samaj
Jitahu manahi sunia as ramachandra ken raj