UtshovDoha 2
2.1
Chaupai
रहेउ एक दिन अवधि अधारा। समुझत मन दुख भयउ अपारा।।
कारन कवन नाथ नहिं आयउ। जानि कुटिल किधौं मोहि बिसरायउ।।
अहह धन्य लछिमन बड़भागी। राम पदारबिंदु अनुरागी।।
कपटी कुटिल मोहि प्रभु चीन्हा। ताते नाथ संग नहिं लीन्हा।।
जौं करनी समुझै प्रभु मोरी। नहिं निस्तार कलप सत कोरी।।
जन अवगुन प्रभु मान न काऊ। दीन बंधु अति मृदुल सुभाऊ।।
मोरि जियँ भरोस दृढ़ सोई। मिलिहहिं राम सगुन सुभ होई।।
बीतें अवधि रहहि जौं प्राना। अधम कवन जग मोहि समाना।।
Raheu ek din avadhi adhara, samujhat man dukh bhayau apara
Karan kavan nath nahin ayau, jani kutil kidhaun mohi bisarayau
Ahah dhanya lachhiman barabhagi, ram padarabindu anuragi
Kapati kutil mohi prabhu chinha, tate nath sang nahin linha
Jaun karani samujhai prabhu mori, nahin nistar kalap sat kori
Jan avagun prabhu man na kau, din bandhu ati mridul subhau
Mori jiyam bharos drirh soi, milihahin ram sagun subh hoi
Biten avadhi rahahi jaun prana, adham kavan jag mohi samana
2.2
Doha/soratha
राम बिरह सागर महँ भरत मगन मन होत।
बिप्र रूप धरि पवन सुत आइ गयउ जनु पोत ॥1(क)॥
Ram birah sagar maham bharat magan man hot
Bipra rup dhari pavan sut ai gayau janu pot, 1(ka)
2.3
Doha/soratha
बैठि देखि कुसासन जटा मुकुट कृस गात।
राम राम रघुपति जपत स्त्रवत नयन जलजात ॥1(ख)॥
Baithi dekhi kusasan jata mukut kris gat
Ram ram raghupati japat stravat nayan jalajat, 1(kh)