UtshovDoha 130
130.1
Chaupai
राम कथा गिरिजा मैं बरनी। कलि मल समनि मनोमल हरनी।।
संसृति रोग सजीवन मूरी। राम कथा गावहिं श्रुति सूरी।।
एहि महँ रुचिर सप्त सोपाना। रघुपति भगति केर पंथाना।।
अति हरि कृपा जाहि पर होई। पाउँ देइ एहिं मारग सोई।।
मन कामना सिद्धि नर पावा। जे यह कथा कपट तजि गावा।।
कहहिं सुनहिं अनुमोदन करहीं। ते गोपद इव भवनिधि तरहीं।।
सुनि सब कथा हृदयँ अति भाई। गिरिजा बोली गिरा सुहाई।।
नाथ कृपाँ मम गत संदेहा। राम चरन उपजेउ नव नेहा।।
Ram katha girija main barani, kali mal samani manomal harani
Sansriti rog sajivan muri, ram katha gavahin shruti suri
Ehi maham ruchir sapta sopana, raghupati bhagati ker panthana
Ati hari kripa jahi par hoi, paum dei ehin marag soi
Man kamana siddhi nar pava, je yah katha kapat taji gava
Kahahin sunahin anumodan karahin, te gopad iv bhavanidhi tarahin
Suni sab katha hridayam ati bhai, girija boli gira suhai
Nath kripan mam gat sandeha, ram charan upajeu nav neha
130.2
Doha/soratha
मैं कृतकृत्य भइउँ अब तव प्रसाद बिस्वेस।
उपजी राम भगति दृढ़ बीते सकल कलेस ॥129॥
Main kritakritya bhaium ab tav prasad bisves
Upaji ram bhagati drirh bite sakal kales