UtshovDoha 129
129.1
Chaupai
मति अनुरूप कथा मैं भाषी। जद्यपि प्रथम गुप्त करि राखी।।
तव मन प्रीति देखि अधिकाई। तब मैं रघुपति कथा सुनाई।।
यह न कहिअ सठही हठसीलहि। जो मन लाइ न सुन हरि लीलहि।।
कहिअ न लोभिहि क्रोधहि कामिहि। जो न भजइ सचराचर स्वामिहि।।
द्विज द्रोहिहि न सुनाइअ कबहूँ। सुरपति सरिस होइ नृप जबहूँ।।
राम कथा के तेइ अधिकारी। जिन्ह कें सतसंगति अति प्यारी।।
गुर पद प्रीति नीति रत जेई। द्विज सेवक अधिकारी तेई।।
ता कहँ यह बिसेष सुखदाई। जाहि प्रानप्रिय श्रीरघुराई।।
Mati anurup katha main bhashi, jadyapi pratham gupta kari rakhi
Tav man priti dekhi adhikai, tab main raghupati katha sunai
Yah na kahia sathahi hathasilahi, jo man lai na sun hari lilahi
Kahia na lobhihi krodhahi kamihi, jo na bhajai sacharachar svamihi
Dvij drohihi na sunaia kabahun, surapati saris hoi nrip jabahun
Ram katha ke tei adhikari, jinha ken satasangati ati pyari
Gur pad priti niti rat jei, dvij sevak adhikari tei
Ta kaham yah bisesh sukhadai, jahi pranapriy shriraghurai
129.2
Doha/soratha
राम चरन रति जो चह अथवा पद निर्बान।
भाव सहित सो यह कथा करउ श्रवन पुट पान ॥128॥
Ram charan rati jo chah athava pad nirban
Bhav sahit so yah katha karau shravan put pan