UtshovDoha 112
112.1
Chaupai
तब मुनिष रघुपति गुन गाथा। कहे कछुक सादर खगनाथा।।
ब्रह्मग्यान रत मुनि बिग्यानि। मोहि परम अधिकारी जानी।।
लागे करन ब्रह्म उपदेसा। अज अद्वेत अगुन हृदयेसा।।
अकल अनीह अनाम अरुपा। अनुभव गम्य अखंड अनूपा।।
मन गोतीत अमल अबिनासी। निर्बिकार निरवधि सुख रासी।।
सो तैं ताहि तोहि नहिं भेदा। बारि बीचि इव गावहि बेदा।।
बिबिध भाँति मोहि मुनि समुझावा। निर्गुन मत मम हृदयँ न आवा।।
पुनि मैं कहेउँ नाइ पद सीसा। सगुन उपासन कहहु मुनीसा।।
राम भगति जल मम मन मीना। किमि बिलगाइ मुनीस प्रबीना।।
सोइ उपदेस कहहु करि दाया। निज नयनन्हि देखौं रघुराया।।
भरि लोचन बिलोकि अवधेसा। तब सुनिहउँ निर्गुन उपदेसा।।
मुनि पुनि कहि हरिकथा अनूपा। खंडि सगुन मत अगुन निरूपा।।
तब मैं निर्गुन मत कर दूरी। सगुन निरूपउँ करि हठ भूरी।।
उत्तर प्रतिउत्तर मैं कीन्हा। मुनि तन भए क्रोध के चीन्हा।।
सुनु प्रभु बहुत अवग्या किएँ। उपज क्रोध ग्यानिन्ह के हिएँ।।
अति संघरषन जौं कर कोई। अनल प्रगट चंदन ते होई।।
Tab munish raghupati gun gatha, kahe kachhuk sadar khaganatha
Brahmagyan rat muni bigyani, mohi param adhikari jani
Lage karan brahma upadesa, aj advet agun hridayesa
Akal anih anam arupa, anubhav gamya akhand anupa
Man gotit amal abinasi, nirbikar niravadhi sukh rasi
So tain tahi tohi nahin bheda, bari bichi iv gavahi beda
Bibidh bhanti mohi muni samujhava, nirgun mat mam hridayam na ava
Puni main kaheum nai pad sisa, sagun upasan kahahu munisa
Ram bhagati jal mam man mina, kimi bilagai munis prabina
Soi upades kahahu kari daya, nij nayananhi dekhaun raghuraya
Bhari lochan biloki avadhesa, tab sunihaum nirgun upadesa
Muni puni kahi harikatha anupa, khandi sagun mat agun nirupa
Tab main nirgun mat kar duri, sagun nirupaum kari hath bhuri
Uttar pratiuttar main kinha, muni tan bhae krodh ke chinha
Sunu prabhu bahut avagya kiem, upaj krodh gyaninha ke hiem
Ati sangharashan jaun kar koi, anal pragat chandan te hoi
112.2
Doha/soratha
-बारंबार सकोप मुनि करइ निरुपन ग्यान।
मैं अपनें मन बैठ तब करउँ बिबिध अनुमान ॥111(क)॥
-Barambar sakop muni karai nirupan gyan
Main apanen man baith tab karaum bibidh anuman, 111(ka)
112.3
Doha/soratha
क्रोध कि द्वेतबुद्धि बिनु द्वैत कि बिनु अग्यान।
मायाबस परिछिन्न जड़ जीव कि ईस समान ॥111(ख)॥
Krodh ki dvetabuddhi binu dvait ki binu agyan
Mayabas parichhinna jar jiv ki is saman, 111(kh)