UtshovDoha 72
72.1
Chaupai
सभय देव करुनानिधि जान्यो। श्रवन प्रजंत सरासनु तान्यो।।
बिसिख निकर निसिचर मुख भरेऊ। तदपि महाबल भूमि न परेऊ।।
सरन्हि भरा मुख सन्मुख धावा। काल त्रोन सजीव जनु आवा।।
तब प्रभु कोपि तीब्र सर लीन्हा। धर ते भिन्न तासु सिर कीन्हा।।
सो सिर परेउ दसानन आगें। बिकल भयउ जिमि फनि मनि त्यागें।।
धरनि धसइ धर धाव प्रचंडा। तब प्रभु काटि कीन्ह दुइ खंडा।।
परे भूमि जिमि नभ तें भूधर। हेठ दाबि कपि भालु निसाचर।।
तासु तेज प्रभु बदन समाना। सुर मुनि सबहिं अचंभव माना।।
सुर दुंदुभीं बजावहिं हरषहिं। अस्तुति करहिं सुमन बहु बरषहिं।।
करि बिनती सुर सकल सिधाए। तेही समय देवरिषि आए।।
गगनोपरि हरि गुन गन गाए। रुचिर बीररस प्रभु मन भाए।।
बेगि हतहु खल कहि मुनि गए। राम समर महि सोभत भए।।
Sabhay dev karunanidhi janyo, shravan prajant sarasanu tanyo
Bisikh nikar nisichar mukh bhareu, tadapi mahabal bhumi na pareu
Saranhi bhara mukh sanmukh dhava, kal tron sajiv janu ava
Tab prabhu kopi tibra sar linha, dhar te bhinna tasu sir kinha
So sir pareu dasanan agen, bikal bhayau jimi phani mani tyagen
Dharani dhasai dhar dhav prachanda, tab prabhu kati kinha dui khanda
Pare bhumi jimi nabh ten bhudhar, heth dabi kapi bhalu nisachar
Tasu tej prabhu badan samana, sur muni sabahin achambhav mana
Sur dundubhin bajavahin harashahin, astuti karahin suman bahu barashahin
Kari binati sur sakal sidhae, tehi samay devarishi ae
Gaganopari hari gun gan gae, ruchir biraras prabhu man bhae
Begi hatahu khal kahi muni gae, ram samar mahi sobhat bhae
72.2
Chhand
संग्राम भूमि बिराज रघुपति अतुल बल कोसल धनी।
श्रम बिंदु मुख राजीव लोचन अरुन तन सोनित कनी।।
भुज जुगल फेरत सर सरासन भालु कपि चहु दिसि बने।
कह दास तुलसी कहि न सक छबि सेष जेहि आनन घने।।
Sangram bhumi biraj raghupati atul bal kosal dhani
Shram bindu mukh rajiv lochan arun tan sonit kani
Bhuj jugal pherat sar sarasan bhalu kapi chahu disi bane
Kah das tulasi kahi na sak chhabi sesh jehi anan ghane
72.3
Doha/soratha
निसिचर अधम मलाकर ताहि दीन्ह निज धाम।
गिरिजा ते नर मंदमति जे न भजहिं श्रीराम ॥71॥
Nisichar adham malakar tahi dinha nij dham
Girija te nar mandamati je na bhajahin shriram