UtshovDoha 50
50.1
Chaupai
परिहरि बयरु देहु बैदेही। भजहु कृपानिधि परम सनेही।।
ताके बचन बान सम लागे। करिआ मुह करि जाहि अभागे।।
बूढ़ भएसि न त मरतेउँ तोही। अब जनि नयन देखावसि मोही।।
तेहि अपने मन अस अनुमाना। बध्यो चहत एहि कृपानिधाना।।
सो उठि गयउ कहत दुर्बादा। तब सकोप बोलेउ घननादा।।
कौतुक प्रात देखिअहु मोरा। करिहउँ बहुत कहौं का थोरा।।
सुनि सुत बचन भरोसा आवा। प्रीति समेत अंक बैठावा।।
करत बिचार भयउ भिनुसारा। लागे कपि पुनि चहूँ दुआरा।।
कोपि कपिन्ह दुर्घट गढ़ु घेरा। नगर कोलाहलु भयउ घनेरा।।
बिबिधायुध धर निसिचर धाए। गढ़ ते पर्बत सिखर ढहाए।।
Parihari bayaru dehu baidehi, bhajahu kripanidhi param sanehi
Take bachan ban sam lage, karia muh kari jahi abhage
Burh bhaesi na ta marateum tohi, ab jani nayan dekhavasi mohi
Tehi apane man as anumana, badhyo chahat ehi kripanidhana
So uthi gayau kahat durbada, tab sakop boleu ghananada
Kautuk prat dekhiahu mora, karihaum bahut kahaun ka thora
Suni sut bachan bharosa ava, priti samet ank baithava
Karat bichar bhayau bhinusara, lage kapi puni chahun duara
Kopi kapinha durghat garhu ghera, nagar kolahalu bhayau ghanera
Bibidhayudh dhar nisichar dhae, garh te parbat sikhar dhahae
50.2
Chhand
ढाहे महीधर सिखर कोटिन्ह बिबिध बिधि गोला चले।
घहरात जिमि पबिपात गर्जत जनु प्रलय के बादले।।
मर्कट बिकट भट जुटत कटत न लटत तन जर्जर भए।
गहि सैल तेहि गढ़ पर चलावहिं जहँ सो तहँ निसिचर हए।।
Dhahe mahidhar sikhar kotinha bibidh bidhi gola chale
Ghaharat jimi pabipat garjat janu pralay ke badale
Markat bikat bhat jutat katat na latat tan jarjar bhae
Gahi sail tehi garh par chalavahin jaham so taham nisichar hae
50.3
Doha/soratha
मेघनाद सुनि श्रवन अस गढ़ु पुनि छेंका आइ।
उतर्यो बीर दुर्ग तें सन्मुख चल्यो बजाइ ॥49॥
Meghanad suni shravan as garhu puni chhenka ai
Utaryo bir durga ten sanmukh chalyo bajai