UtshovDoha 49
49.1
Chaupai
निसा जानि कपि चारिउ अनी। आए जहाँ कोसला धनी।।
राम कृपा करि चितवा सबही। भए बिगतश्रम बानर तबही।।
उहाँ दसानन सचिव हँकारे। सब सन कहेसि सुभट जे मारे।।
आधा कटकु कपिन्ह संघारा। कहहु बेगि का करिअ बिचारा।।
माल्यवंत अति जरठ निसाचर। रावन मातु पिता मंत्री बर।।
बोला बचन नीति अति पावन। सुनहु तात कछु मोर सिखावन।।
जब ते तुम्ह सीता हरि आनी। असगुन होहिं न जाहिं बखानी।।
बेद पुरान जासु जसु गायो। राम बिमुख काहुँ न सुख पायो।।
Nisa jani kapi chariu ani, ae jahan kosala dhani
Ram kripa kari chitava sabahi, bhae bigatashram banar tabahi
Uhan dasanan sachiv hankare, sab san kahesi subhat je mare
Adha kataku kapinha sanghara, kahahu begi ka karia bichara
Malyavant ati jarath nisachar, ravan matu pita mantri bar
Bola bachan niti ati pavan, sunahu tat kachhu mor sikhavan
Jab te tumha sita hari ani, asagun hohin na jahin bakhani
Bed puran jasu jasu gayo, ram bimukh kahun na sukh payo
49.2
Doha/soratha
हिरन्याच्छ भ्राता सहित मधु कैटभ बलवान।
जेहि मारे सोइ अवतरेउ कृपासिंधु भगवान ॥48(क)॥
Hiranyachchha bhrata sahit madhu kaitabh balavan
Jehi mare soi avatareu kripasindhu bhagavan, 48(ka)
49.3
Doha/soratha
कालरूप खल बन दहन गुनागार घनबोध।
सिव बिरंचि जेहि सेवहिं तासों कवन बिरोध ॥48(ख)॥
Kalarup khal ban dahan gunagar ghanabodh
Siv biranchi jehi sevahin tason kavan birodh, 48(kh)