UtshovDoha 47
47.1
Chaupai
प्रभु पद कमल सीस तिन्ह नाए। देखि सुभट रघुपति मन भाए।।
राम कृपा करि जुगल निहारे। भए बिगतश्रम परम सुखारे।।
गए जानि अंगद हनुमाना। फिरे भालु मर्कट भट नाना।।
जातुधान प्रदोष बल पाई। धाए करि दससीस दोहाई।।
निसिचर अनी देखि कपि फिरे। जहँ तहँ कटकटाइ भट भिरे।।
द्वौ दल प्रबल पचारि पचारी। लरत सुभट नहिं मानहिं हारी।।
महाबीर निसिचर सब कारे। नाना बरन बलीमुख भारे।।
सबल जुगल दल समबल जोधा। कौतुक करत लरत करि क्रोधा।।
प्राबिट सरद पयोद घनेरे। लरत मनहुँ मारुत के प्रेरे।।
अनिप अकंपन अरु अतिकाया। बिचलत सेन कीन्हि इन्ह माया।।
भयउ निमिष महँ अति अँधियारा। बृष्टि होइ रुधिरोपल छारा।।
Prabhu pad kamal sis tinha nae, dekhi subhat raghupati man bhae
Ram kripa kari jugal nihare, bhae bigatashram param sukhare
Gae jani angad hanumana, phire bhalu markat bhat nana
Jatudhan pradosh bal pai, dhae kari dasasis dohai
Nisichar ani dekhi kapi phire, jaham taham katakatai bhat bhire
Dvau dal prabal pachari pachari, larat subhat nahin manahin hari
Mahabir nisichar sab kare, nana baran balimukh bhare
Sabal jugal dal samabal jodha, kautuk karat larat kari krodha
Prabit sarad payod ghanere, larat manahun marut ke prere
Anip akampan aru atikaya, bichalat sen kinhi inha maya
Bhayau nimish maham ati andhiyara, brishti hoi rudhiropal chhara
47.2
Doha/soratha
देखि निबिड़ तम दसहुँ दिसि कपिदल भयउ खभार।
एकहि एक न देखई जहँ तहँ करहिं पुकार ॥46॥
Dekhi nibir tam dasahun disi kapidal bhayau khabhar
Ekahi ek na dekhai jaham taham karahin pukar