Ramcharitmanas 42.1

कोट कँगूरन्हि सोहहिं कैसे। मेरु के सृंगनि जनु घन बैसे।।
बाजहिं ढोल निसान जुझाऊ। सुनि धुनि होइ भटन्हि मन चाऊ।।
बाजहिं भेरि नफीरि अपारा। सुनि कादर उर जाहिं दरारा।।
देखिन्ह जाइ कपिन्ह के ठट्टा। अति बिसाल तनु भालु सुभट्टा।।
धावहिं गनहिं न अवघट घाटा। पर्बत फोरि करहिं गहि बाटा।।
कटकटाहिं कोटिन्ह भट गर्जहिं। दसन ओठ काटहिं अति तर्जहिं।।
उत रावन इत राम दोहाई। जयति जयति जय परी लराई।।
निसिचर सिखर समूह ढहावहिं। कूदि धरहिं कपि फेरि चलावहिं।।

Kot kanguranhi sohahin kaise, meru ke sringani janu ghan baise
Bajahin dhol nisan jujhau, suni dhuni hoi bhatanhi man chau
Bajahin bheri naphiri apara, suni kadar ur jahin darara
Dekhinha jai kapinha ke thatta, ati bisal tanu bhalu subhatta
Dhavahin ganahin na avaghat ghata, parbat phori karahin gahi bata
Katakatahin kotinha bhat garjahin, dasan oth katahin ati tarjahin
Ut ravan it ram dohai, jayati jayati jay pari larai
Nisichar sikhar samuh dhahavahin, kudi dharahin kapi pheri chalavahin

Whole chapter