UtshovDoha 42
42.1
Chaupai
कोट कँगूरन्हि सोहहिं कैसे। मेरु के सृंगनि जनु घन बैसे।।
बाजहिं ढोल निसान जुझाऊ। सुनि धुनि होइ भटन्हि मन चाऊ।।
बाजहिं भेरि नफीरि अपारा। सुनि कादर उर जाहिं दरारा।।
देखिन्ह जाइ कपिन्ह के ठट्टा। अति बिसाल तनु भालु सुभट्टा।।
धावहिं गनहिं न अवघट घाटा। पर्बत फोरि करहिं गहि बाटा।।
कटकटाहिं कोटिन्ह भट गर्जहिं। दसन ओठ काटहिं अति तर्जहिं।।
उत रावन इत राम दोहाई। जयति जयति जय परी लराई।।
निसिचर सिखर समूह ढहावहिं। कूदि धरहिं कपि फेरि चलावहिं।।
Kot kanguranhi sohahin kaise, meru ke sringani janu ghan baise
Bajahin dhol nisan jujhau, suni dhuni hoi bhatanhi man chau
Bajahin bheri naphiri apara, suni kadar ur jahin darara
Dekhinha jai kapinha ke thatta, ati bisal tanu bhalu subhatta
Dhavahin ganahin na avaghat ghata, parbat phori karahin gahi bata
Katakatahin kotinha bhat garjahin, dasan oth katahin ati tarjahin
Ut ravan it ram dohai, jayati jayati jay pari larai
Nisichar sikhar samuh dhahavahin, kudi dharahin kapi pheri chalavahin
42.2
Chhand
धरि कुधर खंड प्रचंड कर्कट भालु गढ़ पर डारहीं।
झपटहिं चरन गहि पटकि महि भजि चलत बहुरि पचारहीं।।
अति तरल तरुन प्रताप तरपहिं तमकि गढ़ चढ़ि चढ़ि गए।
कपि भालु चढ़ि मंदिरन्ह जहँ तहँ राम जसु गावत भए।।
Dhari kudhar khand prachand karkat bhalu garh par darahin
Jhapatahin charan gahi pataki mahi bhaji chalat bahuri pacharahin
Ati taral tarun pratap tarapahin tamaki garh charhi charhi gae
Kapi bhalu charhi mandiranha jaham taham ram jasu gavat bhae
42.3
Doha/soratha
एकु एकु निसिचर गहि पुनि कपि चले पराइ।
ऊपर आपु हेठ भट गिरहिं धरनि पर आइ ॥41॥
Eku eku nisichar gahi puni kapi chale parai
Upar apu heth bhat girahin dharani par ai