UtshovDoha 31
31.1
Chaupai
अब जनि बतबढ़ाव खल करही। सुनु मम बचन मान परिहरही।।
दसमुख मैं न बसीठीं आयउँ। अस बिचारि रघुबीर पठायउँ।।
बार बार अस कहइ कृपाला। नहिं गजारि जसु बधें सृकाला।।
मन महुँ समुझि बचन प्रभु केरे। सहेउँ कठोर बचन सठ तेरे।।
नाहिं त करि मुख भंजन तोरा। लै जातेउँ सीतहि बरजोरा।।
जानेउँ तव बल अधम सुरारी। सूनें हरि आनिहि परनारी।।
तैं निसिचर पति गर्ब बहूता। मैं रघुपति सेवक कर दूता।।
जौं न राम अपमानहि डरउँ। तोहि देखत अस कौतुक करऊँ।।
Ab jani batabarhav khal karahi, sunu mam bachan man pariharahi
Dasamukh main na basithin ayaum, as bichari raghubir pathayaum
Bar bar as kahai kripala, nahin gajari jasu badhen srikala
Man mahun samujhi bachan prabhu kere, saheum kathor bachan sath tere
Nahin ta kari mukh bhanjan tora, lai jateum sitahi barajora
Janeum tav bal adham surari, sunen hari anihi paranari
Tain nisichar pati garba bahuta, main raghupati sevak kar duta
Jaun na ram apamanahi daraum, tohi dekhat as kautuk karaum
31.2
Doha/soratha
तोहि पटकि महि सेन हति चौपट करि तव गाउँ।
तव जुबतिन्ह समेत सठ जनकसुतहि लै जाउँ ॥30॥
Tohi pataki mahi sen hati chaupat kari tav gaum
Tav jubatinha samet sath janakasutahi lai jaum