UtshovDoha 12
12.1
Chaupai
इहाँ सुबेल सैल रघुबीरा। उतरे सेन सहित अति भीरा।।
सिखर एक उतंग अति देखी। परम रम्य सम सुभ्र बिसेषी।।
तहँ तरु किसलय सुमन सुहाए। लछिमन रचि निज हाथ डसाए।।
ता पर रूचिर मृदुल मृगछाला। तेहीं आसान आसीन कृपाला।।
प्रभु कृत सीस कपीस उछंगा। बाम दहिन दिसि चाप निषंगा।।
दुहुँ कर कमल सुधारत बाना। कह लंकेस मंत्र लगि काना।।
बड़भागी अंगद हनुमाना। चरन कमल चापत बिधि नाना।।
प्रभु पाछें लछिमन बीरासन। कटि निषंग कर बान सरासन।।
Ihan subel sail raghubira, utare sen sahit ati bhira
Sikhar ek utang ati dekhi, param ramya sam subhra biseshi
Taham taru kisalay suman suhae, lachhiman rachi nij hath dasae
Ta par ruchir mridul mrigachhala, tehin asan asin kripala
Prabhu krit sis kapis uchhanga, bam dahin disi chap nishanga
Duhun kar kamal sudharat bana, kah lankes mantra lagi kana
Barabhagi angad hanumana, charan kamal chapat bidhi nana
Prabhu pachhen lachhiman birasan, kati nishang kar ban sarasan
12.2
Doha/soratha
एहि बिधि कृपा रूप गुन धाम रामु आसीन।
धन्य ते नर एहिं ध्यान जे रहत सदा लयलीन ॥11(क)॥
Ehi bidhi kripa rup gun dham ramu asin
Dhanya te nar ehin dhyan je rahat sada layalin, 11(ka)
12.3
Doha/soratha
पूरब दिसा बिलोकि प्रभु देखा उदित मंयक।
कहत सबहि देखहु ससिहि मृगपति सरिस असंक ॥11(ख)॥
Purab disa biloki prabhu dekha udit manyak
Kahat sabahi dekhahu sasihi mrigapati saris asank, 11(kh)