UtshovDoha 108
108.1
Chaupai
पुनि प्रभु बोलि लियउ हनुमाना। लंका जाहु कहेउ भगवाना।।
समाचार जानकिहि सुनावहु। तासु कुसल लै तुम्ह चलि आवहु।।
तब हनुमंत नगर महुँ आए। सुनि निसिचरी निसाचर धाए।।
बहु प्रकार तिन्ह पूजा कीन्ही। जनकसुता देखाइ पुनि दीन्ही।।
दूरहि ते प्रनाम कपि कीन्हा। रघुपति दूत जानकीं चीन्हा।।
कहहु तात प्रभु कृपानिकेता। कुसल अनुज कपि सेन समेता।।
सब बिधि कुसल कोसलाधीसा। मातु समर जीत्यो दससीसा।।
अबिचल राजु बिभीषन पायो। सुनि कपि बचन हरष उर छायो।।
Puni prabhu boli liyau hanumana, lanka jahu kaheu bhagavana
Samachar janakihi sunavahu, tasu kusal lai tumha chali avahu
Tab hanumant nagar mahun ae, suni nisichari nisachar dhae
Bahu prakar tinha puja kinhi, janakasuta dekhai puni dinhi
Durahi te pranam kapi kinha, raghupati dut janakin chinha
Kahahu tat prabhu kripaniketa, kusal anuj kapi sen sameta
Sab bidhi kusal kosaladhisa, matu samar jityo dasasisa
Abichal raju bibhishan payo, suni kapi bachan harash ur chhayo
108.2
Chhand
अति हरष मन तन पुलक लोचन सजल कह पुनि पुनि रमा।
का देउँ तोहि त्रेलोक महुँ कपि किमपि नहिं बानी समा।।
सुनु मातु मैं पायो अखिल जग राजु आजु न संसयं।
रन जीति रिपुदल बंधु जुत पस्यामि राममनामयं।।
Ati harash man tan pulak lochan sajal kah puni puni rama
Ka deum tohi trelok mahun kapi kimapi nahin bani sama
Sunu matu main payo akhil jag raju aju na sansayam
Ran jiti ripudal bandhu jut pasyami ramamanamayam
108.3
Doha/soratha
सुनु सुत सदगुन सकल तव हृदयँ बसहुँ हनुमंत।
सानुकूल कोसलपति रहहुँ समेत अनंत ॥107॥
Sunu sut sadagun sakal tav hridayam basahun hanumant
Sanukul kosalapati rahahun samet anant