UtshovDoha 107
107.1
Chaupai
आइ बिभीषन पुनि सिरु नायो। कृपासिंधु तब अनुज बोलायो।।
तुम्ह कपीस अंगद नल नीला। जामवंत मारुति नयसीला।।
सब मिलि जाहु बिभीषन साथा। सारेहु तिलक कहेउ रघुनाथा।।
पिता बचन मैं नगर न आवउँ। आपु सरिस कपि अनुज पठावउँ।।
तुरत चले कपि सुनि प्रभु बचना। कीन्ही जाइ तिलक की रचना।।
सादर सिंहासन बैठारी। तिलक सारि अस्तुति अनुसारी।।
जोरि पानि सबहीं सिर नाए। सहित बिभीषन प्रभु पहिं आए।।
तब रघुबीर बोलि कपि लीन्हे। कहि प्रिय बचन सुखी सब कीन्हे।।
Ai bibhishan puni siru nayo, kripasindhu tab anuj bolayo
Tumha kapis angad nal nila, jamavant maruti nayasila
Sab mili jahu bibhishan satha, sarehu tilak kaheu raghunatha
Pita bachan main nagar na avaum, apu saris kapi anuj pathavaum
Turat chale kapi suni prabhu bachana, kinhi jai tilak ki rachana
Sadar sinhasan baithari, tilak sari astuti anusari
Jori pani sabahin sir nae, sahit bibhishan prabhu pahin ae
Tab raghubir boli kapi linhe, kahi priy bachan sukhi sab kinhe
107.2
Chhand
किए सुखी कहि बानी सुधा सम बल तुम्हारें रिपु हयो।
पायो बिभीषन राज तिहुँ पुर जसु तुम्हारो नित नयो।।
मोहि सहित सुभ कीरति तुम्हारी परम प्रीति जो गाइहैं।
संसार सिंधु अपार पार प्रयास बिनु नर पाइहैं।।
Kie sukhi kahi bani sudha sam bal tumharen ripu hayo
Payo bibhishan raj tihun pur jasu tumharo nit nayo
Mohi sahit subh kirati tumhari param priti jo gaihain
Sansar sindhu apar par prayas binu nar paihain
107.3
Doha/soratha
प्रभु के बचन श्रवन सुनि नहिं अघाहिं कपि पुंज।
बार बार सिर नावहिं गहहिं सकल पद कंज ॥106॥
Prabhu ke bachan shravan suni nahin aghahin kapi punj
Bar bar sir navahin gahahin sakal pad kanj