UtshovDoha 104
104.1
Chaupai
सायक एक नाभि सर सोषा। अपर लगे भुज सिर करि रोषा।।
लै सिर बाहु चले नाराचा। सिर भुज हीन रुंड महि नाचा।।
धरनि धसइ धर धाव प्रचंडा। तब सर हति प्रभु कृत दुइ खंडा।।
गर्जेउ मरत घोर रव भारी। कहाँ रामु रन हतौं पचारी।।
डोली भूमि गिरत दसकंधर। छुभित सिंधु सरि दिग्गज भूधर।।
धरनि परेउ द्वौ खंड बढ़ाई। चापि भालु मर्कट समुदाई।।
मंदोदरि आगें भुज सीसा। धरि सर चले जहाँ जगदीसा।।
प्रबिसे सब निषंग महु जाई। देखि सुरन्ह दुंदुभीं बजाई।।
तासु तेज समान प्रभु आनन। हरषे देखि संभु चतुरानन।।
जय जय धुनि पूरी ब्रह्मंडा। जय रघुबीर प्रबल भुजदंडा।।
बरषहि सुमन देव मुनि बृंदा। जय कृपाल जय जयति मुकुंदा।।
Sayak ek nabhi sar sosha, apar lage bhuj sir kari rosha
Lai sir bahu chale naracha, sir bhuj hin rund mahi nacha
Dharani dhasai dhar dhav prachanda, tab sar hati prabhu krit dui khanda
Garjeu marat ghor rav bhari, kahan ramu ran hataun pachari
Doli bhumi girat dasakandhar, chhubhit sindhu sari diggaj bhudhar
Dharani pareu dvau khand barhai, chapi bhalu markat samudai
Mandodari agen bhuj sisa, dhari sar chale jahan jagadisa
Prabise sab nishang mahu jai, dekhi suranha dundubhin bajai
Tasu tej saman prabhu anan, harashe dekhi sambhu chaturanan
Jay jay dhuni puri brahmanda, jay raghubir prabal bhujadanda
Barashahi suman dev muni brinda, jay kripal jay jayati mukunda
104.2
Chhand
जय कृपा कंद मुकंद द्वंद हरन सरन सुखप्रद प्रभो।
खल दल बिदारन परम कारन कारुनीक सदा बिभो।।
सुर सुमन बरषहिं हरष संकुल बाज दुंदुभि गहगही।
संग्राम अंगन राम अंग अनंग बहु सोभा लही।।
सिर जटा मुकुट प्रसून बिच बिच अति मनोहर राजहीं।
जनु नीलगिरि पर तड़ित पटल समेत उड़ुगन भ्राजहीं।।
भुजदंड सर कोदंड फेरत रुधिर कन तन अति बने।
जनु रायमुनीं तमाल पर बैठीं बिपुल सुख आपने।।
Jay kripa kand mukand dvand haran saran sukhaprad prabho
Khal dal bidaran param karan karunik sada bibho
Sur suman barashahin harash sankul baj dundubhi gahagahi
Sangram angan ram ang anang bahu sobha lahi
Sir jata mukut prasun bich bich ati manohar rajahin
Janu nilagiri par tarit patal samet urugan bhrajahin
Bhujadand sar kodand pherat rudhir kan tan ati bane
Janu rayamunin tamal par baithin bipul sukh apane
104.3
Doha/soratha
कृपादृष्टि करि प्रभु अभय किए सुर बृंद।
भालु कीस सब हरषे जय सुख धाम मुकंद ॥103॥
Kripadrishti kari prabhu abhay kie sur brind
Bhalu kis sab harashe jay sukh dham mukand