UtshovDoha 102
102.1
Chhand
जब कीन्ह तेहिं पाषंड। भए प्रगट जंतु प्रचंड।।
बेताल भूत पिसाच। कर धरें धनु नाराच ॥1॥
Jab kinha tehin pashand, bhae pragat jantu prachand
Betal bhut pisach, kar dharen dhanu narach
102.2
Chhand
जोगिनि गहें करबाल। एक हाथ मनुज कपाल।।
करि सद्य सोनित पान। नाचहिं करहिं बहु गान ॥2॥
Jogini gahen karabal, ek hath manuj kapal
Kari sadya sonit pan, nachahin karahin bahu gan
102.3
Chhand
धरु मारु बोलहिं घोर। रहि पूरि धुनि चहुँ ओर।।
मुख बाइ धावहिं खान। तब लगे कीस परान ॥3॥
Dharu maru bolahin ghor, rahi puri dhuni chahun or
Mukh bai dhavahin khan, tab lage kis paran
102.4
Chhand
जहँ जाहिं मर्कट भागि। तहँ बरत देखहिं आगि।।
भए बिकल बानर भालु। पुनि लाग बरषै बालु ॥4॥
Jaham jahin markat bhagi, taham barat dekhahin agi
Bhae bikal banar bhalu, puni lag barashai balu
102.5
Chhand
जहँ तहँ थकित करि कीस। गर्जेउ बहुरि दससीस।।
लछिमन कपीस समेत। भए सकल बीर अचेत ॥5॥
Jaham taham thakit kari kis, garjeu bahuri dasasis
Lachhiman kapis samet, bhae sakal bir achet
102.6
Chhand
हा राम हा रघुनाथ। कहि सुभट मीजहिं हाथ।।
एहि बिधि सकल बल तोरि। तेहिं कीन्ह कपट बहोरि ॥6॥
Ha ram ha raghunath, kahi subhat mijahin hath
Ehi bidhi sakal bal tori, tehin kinha kapat bahori
102.7
Chhand
प्रगटेसि बिपुल हनुमान। धाए गहे पाषान।।
तिन्ह रामु घेरे जाइ। चहुँ दिसि बरूथ बनाइ ॥7॥
Pragatesi bipul hanuman, dhae gahe pashan
Tinha ramu ghere jai, chahun disi baruth banai
102.8
Chhand
मारहु धरहु जनि जाइ। कटकटहिं पूँछ उठाइ।।
दहँ दिसि लँगूर बिराज। तेहिं मध्य कोसलराज ॥8॥
Marahu dharahu jani jai, katakatahin punchh uthai
Daham disi langur biraj, tehin madhya kosalaraj
102.9
Chhand
तेहिं मध्य कोसलराज सुंदर स्याम तन सोभा लही।
जनु इंद्रधनुष अनेक की बर बारि तुंग तमालही।।
प्रभु देखि हरष बिषाद उर सुर बदत जय जय जय करी।
रघुबीर एकहि तीर कोपि निमेष महुँ माया हरी ॥1॥
Tehin madhya kosalaraj sundar syam tan sobha lahi
Janu indradhanush anek ki bar bari tung tamalahi
Prabhu dekhi harash bishad ur sur badat jay jay jay kari
Raghubir ekahi tir kopi nimesh mahun maya hari
102.10
Chhand
माया बिगत कपि भालु हरषे बिटप गिरि गहि सब फिरे।
सर निकर छाड़े राम रावन बाहु सिर पुनि महि गिरे।।
श्रीराम रावन समर चरित अनेक कल्प जो गावहीं।
सत सेष सारद निगम कबि तेउ तदपि पार न पावहीं ॥2॥
Maya bigat kapi bhalu harashe bitap giri gahi sab phire
Sar nikar chhare ram ravan bahu sir puni mahi gire
Shriram ravan samar charit anek kalpa jo gavahin
Sat sesh sarad nigam kabi teu tadapi par na pavahin
102.11
Doha/soratha
ताके गुन गन कछु कहे जड़मति तुलसीदास।
जिमि निज बल अनुरूप ते माछी उड़इ अकास ॥101(क)॥
Take gun gan kachhu kahe jaramati tulasidas
Jimi nij bal anurup te machhi urai akas, 101(ka)
102.12
Doha/soratha
काटे सिर भुज बार बहु मरत न भट लंकेस।
प्रभु क्रीड़त सुर सिद्ध मुनि ब्याकुल देखि कलेस ॥101(ख)॥
Kate sir bhuj bar bahu marat na bhat lankes
Prabhu krirat sur siddha muni byakul dekhi kales, 101(kh)