UtshovDoha 101
101.1
Chaupai
अस कहि बहुत भाँति समुझाई। पुनि त्रिजटा निज भवन सिधाई।।
राम सुभाउ सुमिरि बैदेही। उपजी बिरह बिथा अति तेही।।
निसिहि ससिहि निंदति बहु भाँती। जुग सम भई सिराति न राती।।
करति बिलाप मनहिं मन भारी। राम बिरहँ जानकी दुखारी।।
जब अति भयउ बिरह उर दाहू। फरकेउ बाम नयन अरु बाहू।।
सगुन बिचारि धरी मन धीरा। अब मिलिहहिं कृपाल रघुबीरा।।
इहाँ अर्धनिसि रावनु जागा। निज सारथि सन खीझन लागा।।
सठ रनभूमि छड़ाइसि मोही। धिग धिग अधम मंदमति तोही।।
तेहिं पद गहि बहु बिधि समुझावा। भौरु भएँ रथ चढ़ि पुनि धावा।।
सुनि आगवनु दसानन केरा। कपि दल खरभर भयउ घनेरा।।
जहँ तहँ भूधर बिटप उपारी। धाए कटकटाइ भट भारी।।
As kahi bahut bhanti samujhai, puni trijata nij bhavan sidhai
Ram subhau sumiri baidehi, upaji birah bitha ati tehi
Nisihi sasihi nindati bahu bhanti, jug sam bhai sirati na rati
Karati bilap manahin man bhari, ram biraham janaki dukhari
Jab ati bhayau birah ur dahu, pharakeu bam nayan aru bahu
Sagun bichari dhari man dhira, ab milihahin kripal raghubira
Ihan ardhanisi ravanu jaga, nij sarathi san khijhan laga
Sath ranabhumi chharaisi mohi, dhig dhig adham mandamati tohi
Tehin pad gahi bahu bidhi samujhava, bhauru bhaem rath charhi puni dhava
Suni agavanu dasanan kera, kapi dal kharabhar bhayau ghanera
Jaham taham bhudhar bitap upari, dhae katakatai bhat bhari
101.2
Chhand
धाए जो मर्कट बिकट भालु कराल कर भूधर धरा।
अति कोप करहिं प्रहार मारत भजि चले रजनीचरा।।
बिचलाइ दल बलवंत कीसन्ह घेरि पुनि रावनु लियो।
चहुँ दिसि चपेटन्हि मारि नखन्हि बिदारि तनु ब्याकुल कियो।।
Dhae jo markat bikat bhalu karal kar bhudhar dhara
Ati kop karahin prahar marat bhaji chale rajanichara
Bichalai dal balavant kisanha gheri puni ravanu liyo
Chahun disi chapetanhi mari nakhanhi bidari tanu byakul kiyo
101.3
Doha/soratha
देखि महा मर्कट प्रबल रावन कीन्ह बिचार।
अंतरहित होइ निमिष महुँ कृत माया बिस्तार ॥100॥
Dekhi maha markat prabal ravan kinha bichar
Antarahit hoi nimish mahun krit maya bistar