UtshovDoha 9
9.1
Chaupai
तरु पल्लव महुँ रहा लुकाई। करइ बिचार करौं का भाई।।
तेहि अवसर रावनु तहँ आवा। संग नारि बहु किएँ बनावा।।
बहु बिधि खल सीतहि समुझावा। साम दान भय भेद देखावा।।
कह रावनु सुनु सुमुखि सयानी। मंदोदरी आदि सब रानी।।
तव अनुचरीं करउँ पन मोरा। एक बार बिलोकु मम ओरा।।
तृन धरि ओट कहति बैदेही। सुमिरि अवधपति परम सनेही।।
सुनु दसमुख खद्योत प्रकासा। कबहुँ कि नलिनी करइ बिकासा।।
अस मन समुझु कहति जानकी। खल सुधि नहिं रघुबीर बान की।।
सठ सूने हरि आनेहि मोहि। अधम निलज्ज लाज नहिं तोही।।
Taru pallav mahun raha lukai, karai bichar karaun ka bhai
Tehi avasar ravanu taham ava, sang nari bahu kiem banava
Bahu bidhi khal sitahi samujhava, sam dan bhay bhed dekhava
Kah ravanu sunu sumukhi sayani, mandodari adi sab rani
Tav anucharin karaum pan mora, ek bar biloku mam ora
Trin dhari ot kahati baidehi, sumiri avadhapati param sanehi
Sunu dasamukh khadyot prakasa, kabahun ki nalini karai bikasa
As man samujhu kahati janaki, khal sudhi nahin raghubir ban ki
Sath sune hari anehi mohi, adham nilajja laj nahin tohi
9.2
Doha/soratha
आपुहि सुनि खद्योत सम रामहि भानु समान।
परुष बचन सुनि काढ़ि असि बोला अति खिसिआन ॥9॥
Apuhi suni khadyot sam ramahi bhanu saman
Parush bachan suni karhi asi bola ati khisian