UtshovDoha 46
46.1
Chaupai
अस कहि करत दंडवत देखा। तुरत उठे प्रभु हरष बिसेषा।।
दीन बचन सुनि प्रभु मन भावा। भुज बिसाल गहि हृदयँ लगावा।।
अनुज सहित मिलि ढिग बैठारी। बोले बचन भगत भयहारी।।
कहु लंकेस सहित परिवारा। कुसल कुठाहर बास तुम्हारा।।
खल मंडलीं बसहु दिनु राती। सखा धरम निबहइ केहि भाँती।।
मैं जानउँ तुम्हारि सब रीती। अति नय निपुन न भाव अनीती।।
बरु भल बास नरक कर ताता। दुष्ट संग जनि देइ बिधाता।।
अब पद देखि कुसल रघुराया। जौं तुम्ह कीन्ह जानि जन दाया।।
As kahi karat dandavat dekha, turat uthe prabhu harash bisesha
Din bachan suni prabhu man bhava, bhuj bisal gahi hridayam lagava
Anuj sahit mili dhig baithari, bole bachan bhagat bhayahari
Kahu lankes sahit parivara, kusal kuthahar bas tumhara
Khal mandalin basahu dinu rati, sakha dharam nibahai kehi bhanti
Main janaum tumhari sab riti, ati nay nipun na bhav aniti
Baru bhal bas narak kar tata, dushta sang jani dei bidhata
Ab pad dekhi kusal raghuraya, jaun tumha kinha jani jan daya
46.2
Doha/soratha
तब लगि कुसल न जीव कहुँ सपनेहुँ मन बिश्राम।
जब लगि भजत न राम कहुँ सोक धाम तजि काम ॥46॥
Tab lagi kusal na jiv kahun sapanehun man bishram
Jab lagi bhajat na ram kahun sok dham taji kam