UtshovDoha 45
45.1
Chaupai
सादर तेहि आगें करि बानर। चले जहाँ रघुपति करुनाकर।।
दूरिहि ते देखे द्वौ भ्राता। नयनानंद दान के दाता।।
बहुरि राम छबिधाम बिलोकी। रहेउ ठटुकि एकटक पल रोकी।।
भुज प्रलंब कंजारुन लोचन। स्यामल गात प्रनत भय मोचन।।
सिंघ कंध आयत उर सोहा। आनन अमित मदन मन मोहा।।
नयन नीर पुलकित अति गाता। मन धरि धीर कही मृदु बाता।।
नाथ दसानन कर मैं भ्राता। निसिचर बंस जनम सुरत्राता।।
सहज पापप्रिय तामस देहा। जथा उलूकहि तम पर नेहा।।
Sadar tehi agen kari banar, chale jahan raghupati karunakar
Durihi te dekhe dvau bhrata, nayananand dan ke data
Bahuri ram chhabidham biloki, raheu thatuki ekatak pal roki
Bhuj pralamb kanjarun lochan, syamal gat pranat bhay mochan
Singh kandh ayat ur soha, anan amit madan man moha
Nayan nir pulakit ati gata, man dhari dhir kahi mridu bata
Nath dasanan kar main bhrata, nisichar bans janam suratrata
Sahaj papapriy tamas deha, jatha ulukahi tam par neha
45.2
Doha/soratha
श्रवन सुजसु सुनि आयउँ प्रभु भंजन भव भीर।
त्राहि त्राहि आरति हरन सरन सुखद रघुबीर ॥45॥
Shravan sujasu suni ayaum prabhu bhanjan bhav bhir
Trahi trahi arati haran saran sukhad raghubir