UtshovDoha 16
16.1
Chaupai
दादुर धुनि चहु दिसा सुहाई। बेद पढ़हिं जनु बटु समुदाई।।
नव पल्लव भए बिटप अनेका। साधक मन जस मिलें बिबेका।।
अर्क जबास पात बिनु भयऊ। जस सुराज खल उद्यम गयऊ।।
खोजत कतहुँ मिलइ नहिं धूरी। करइ क्रोध जिमि धरमहि दूरी।।
ससि संपन्न सोह महि कैसी। उपकारी कै संपति जैसी।।
निसि तम घन खद्योत बिराजा। जनु दंभिन्ह कर मिला समाजा।।
महाबृष्टि चलि फूटि किआरीं । जिमि सुतंत्र भएँ बिगरहिं नारीं।।
कृषी निरावहिं चतुर किसाना। जिमि बुध तजहिं मोह मद माना।।
देखिअत चक्रबाक खग नाहीं। कलिहि पाइ जिमि धर्म पराहीं।।
ऊषर बरषइ तृन नहिं जामा। जिमि हरिजन हियँ उपज न कामा।।
बिबिध जंतु संकुल महि भ्राजा। प्रजा बाढ़ जिमि पाइ सुराजा।।
जहँ तहँ रहे पथिक थकि नाना। जिमि इंद्रिय गन उपजें ग्याना।।
Dadur dhuni chahu disa suhai, bed parhahin janu batu samudai
Nav pallav bhae bitap aneka, sadhak man jas milen bibeka
Arka jabas pat binu bhayau, jas suraj khal udyam gayau
Khojat katahun milai nahin dhuri, karai krodh jimi dharamahi duri
Sasi sampanna soh mahi kaisi, upakari kai sampati jaisi
Nisi tam ghan khadyot biraja, janu dambhinha kar mila samaja
Mahabrishti chali phuti kiarin, jimi sutantra bhaem bigarahin narin
Krishi niravahin chatur kisana, jimi budh tajahin moh mad mana
Dekhiat chakrabak khag nahin, kalihi pai jimi dharma parahin
Ushar barashai trin nahin jama, jimi harijan hiyam upaj na kama
Bibidh jantu sankul mahi bhraja, praja barh jimi pai suraja
Jaham taham rahe pathik thaki nana, jimi indriy gan upajen gyana
16.2
Doha/soratha
कबहुँ प्रबल बह मारुत जहँ तहँ मेघ बिलाहिं।
जिमि कपूत के उपजें कुल सद्धर्म नसाहिं ॥15(क)॥
Kabahun prabal bah marut jaham taham megh bilahin
Jimi kaput ke upajen kul saddharma nasahin, 15(ka)
16.3
Doha/soratha
कबहुँ दिवस महँ निबिड़ तम कबहुँक प्रगट पतंग।
बिनसइ उपजइ ग्यान जिमि पाइ कुसंग सुसंग ॥15(ख)॥
Kabahun divas maham nibir tam kabahunk pragat patang
Binasai upajai gyan jimi pai kusang susang, 15(kh)