UtshovDoha 15
15.1
Chaupai
घन घमंड नभ गरजत घोरा। प्रिया हीन डरपत मन मोरा।।
दामिनि दमक रह न घन माहीं। खल कै प्रीति जथा थिर नाहीं।।
बरषहिं जलद भूमि निअराएँ। जथा नवहिं बुध बिद्या पाएँ।।
बूँद अघात सहहिं गिरि कैंसें । खल के बचन संत सह जैसें।।
छुद्र नदीं भरि चलीं तोराई। जस थोरेहुँ धन खल इतराई।।
भूमि परत भा ढाबर पानी। जनु जीवहि माया लपटानी।।
समिटि समिटि जल भरहिं तलावा। जिमि सदगुन सज्जन पहिं आवा।।
सरिता जल जलनिधि महुँ जाई। होई अचल जिमि जिव हरि पाई।।
Ghan ghamand nabh garajat ghora, priya hin darapat man mora
Damini damak rah na ghan mahin, khal kai priti jatha thir nahin
Barashahin jalad bhumi niaraem, jatha navahin budh bidya paem
Bund aghat sahahin giri kainsen, khal ke bachan sant sah jaisen
Chhudra nadin bhari chalin torai, jas thorehun dhan khal itarai
Bhumi parat bha dhabar pani, janu jivahi maya lapatani
Samiti samiti jal bharahin talava, jimi sadagun sajjan pahin ava
Sarita jal jalanidhi mahun jai, hoi achal jimi jiv hari pai
15.2
Doha/soratha
हरित भूमि तृन संकुल समुझि परहिं नहिं पंथ।
जिमि पाखंड बाद तें गुप्त होहिं सदग्रंथ ॥14॥
Harit bhumi trin sankul samujhi parahin nahin panth
Jimi pakhand bad ten gupta hohin sadagranth