UtshovDoha 33
33.1
Chaupai
गीध देह तजि धरि हरि रुपा। भूषन बहु पट पीत अनूपा।।
स्याम गात बिसाल भुज चारी। अस्तुति करत नयन भरि बारी।।
Gidh deh taji dhari hari rupa, bhushan bahu pat pit anupa
Syam gat bisal bhuj chari, astuti karat nayan bhari bari
33.2
Chhand
जय राम रूप अनूप निर्गुन सगुन गुन प्रेरक सही।
दससीस बाहु प्रचंड खंडन चंड सर मंडन मही।।
पाथोद गात सरोज मुख राजीव आयत लोचनं।
नित नौमि रामु कृपाल बाहु बिसाल भव भय मोचनं ॥1॥
Jay ram rup anup nirgun sagun gun prerak sahi
Dasasis bahu prachand khandan chand sar mandan mahi
Pathod gat saroj mukh rajiv ayat lochanam
Nit naumi ramu kripal bahu bisal bhav bhay mochanam
33.3
Chhand
बलमप्रमेयमनादिमजमब्यक्तमेकमगोचरं।
गोबिंद गोपर द्वंद्वहर बिग्यानघन धरनीधरं।।
जे राम मंत्र जपंत संत अनंत जन मन रंजनं।
नित नौमि राम अकाम प्रिय कामादि खल दल गंजनं ॥2॥
Balamaprameyamanadimajamabyaktamekamagocharam
Gobind gopar dvandvahar bigyanaghan dharanidharam
Je ram mantra japant sant anant jan man ranjanam
Nit naumi ram akam priy kamadi khal dal ganjanam
33.4
Chhand
जेहि श्रुति निरंजन ब्रह्म ब्यापक बिरज अज कहि गावहीं।।
करि ध्यान ग्यान बिराग जोग अनेक मुनि जेहि पावहीं।।
सो प्रगट करुना कंद सोभा बृंद अग जग मोहई।
मम हृदय पंकज भृंग अंग अनंग बहु छबि सोहई ॥3॥
Jehi shruti niranjan brahma byapak biraj aj kahi gavahin
Kari dhyan gyan birag jog anek muni jehi pavahin
So pragat karuna kand sobha brind ag jag mohai
Mam hriday pankaj bhring ang anang bahu chhabi sohai
33.5
Chhand
जो अगम सुगम सुभाव निर्मल असम सम सीतल सदा।
पस्यंति जं जोगी जतन करि करत मन गो बस सदा।।
सो राम रमा निवास संतत दास बस त्रिभुवन धनी।
मम उर बसउ सो समन संसृति जासु कीरति पावनी ॥4॥
Jo agam sugam subhav nirmal asam sam sital sada
Pasyanti jam jogi jatan kari karat man go bas sada
So ram rama nivas santat das bas tribhuvan dhani
Mam ur basau so saman sansriti jasu kirati pavani
33.6
Doha/soratha
अबिरल भगति मागि बर गीध गयउ हरिधाम।
तेहि की क्रिया जथोचित निज कर कीन्ही राम ॥32॥
Abiral bhagati magi bar gidh gayau haridham
Tehi ki kriya jathochit nij kar kinhi ram