UtshovDoha 77
77.1
Chaupai
गए लखनु जहँ जानकिनाथू। भे मन मुदित पाइ प्रिय साथू।।
बंदि राम सिय चरन सुहाए। चले संग नृपमंदिर आए।।
कहहिं परसपर पुर नर नारी। भलि बनाइ बिधि बात बिगारी।।
तन कृस दुखु बदन मलीने। बिकल मनहुँ माखी मधु छीने।।
कर मीजहिं सिरु धुनि पछिताहीं। जनु बिन पंख बिहग अकुलाहीं।।
भइ बड़ि भीर भूप दरबारा। बरनि न जाइ बिषादु अपारा।।
सचिवँ उठाइ राउ बैठारे। कहि प्रिय बचन रामु पगु धारे।।
सिय समेत दोउ तनय निहारी। ब्याकुल भयउ भूमिपति भारी।।
Gae lakhanu jaham janakinathu, bhe man mudit pai priy sathu
Bandi ram siy charan suhae, chale sang nripamandir ae
Kahahin parasapar pur nar nari, bhali banai bidhi bat bigari
Tan kris dukhu badan maline, bikal manahun makhi madhu chhine
Kar mijahin siru dhuni pachhitahin, janu bin pankh bihag akulahin
Bhai bari bhir bhup darabara, barani na jai bishadu apara
Sachivam uthai rau baithare, kahi priy bachan ramu pagu dhare
Siy samet dou tanay nihari, byakul bhayau bhumipati bhari
77.2
Doha/soratha
सीय सहित सुत सुभग दोउ देखि देखि अकुलाइ।
बारहिं बार सनेह बस राउ लेइ उर लाइ ॥76॥
Siy sahit sut subhag dou dekhi dekhi akulai
Barahin bar saneh bas rau lei ur lai