UtshovDoha 76
76.1
Chaupai
पुत्रवती जुबती जग सोई। रघुपति भगतु जासु सुतु होई।।
नतरु बाँझ भलि बादि बिआनी। राम बिमुख सुत तें हित जानी।।
तुम्हरेहिं भाग रामु बन जाहीं। दूसर हेतु तात कछु नाहीं।।
सकल सुकृत कर बड़ फलु एहू। राम सीय पद सहज सनेहू।।
राग रोषु इरिषा मदु मोहू। जनि सपनेहुँ इन्ह के बस होहू।।
सकल प्रकार बिकार बिहाई। मन क्रम बचन करेहु सेवकाई।।
तुम्ह कहुँ बन सब भाँति सुपासू। सँग पितु मातु रामु सिय जासू।।
जेहिं न रामु बन लहहिं कलेसू। सुत सोइ करेहु इहइ उपदेसू।।
Putravati jubati jag soi, raghupati bhagatu jasu sutu hoi
Nataru banjh bhali badi biani, ram bimukh sut ten hit jani
Tumharehin bhag ramu ban jahin, dusar hetu tat kachhu nahin
Sakal sukrit kar bar phalu ehu, ram siy pad sahaj sanehu
Rag roshu irisha madu mohu, jani sapanehun inha ke bas hohu
Sakal prakar bikar bihai, man kram bachan karehu sevakai
Tumha kahun ban sab bhanti supasu, sang pitu matu ramu siy jasu
Jehin na ramu ban lahahin kalesu, sut soi karehu ihai upadesu
76.2
Chhand
उपदेसु यहु जेहिं तात तुम्हरे राम सिय सुख पावहीं।
पितु मातु प्रिय परिवार पुर सुख सुरति बन बिसरावहीं।।
तुलसी प्रभुहि सिख देइ आयसु दीन्ह पुनि आसिष दई।
रति होउ अबिरल अमल सिय रघुबीर पद नित नित नई।।
Upadesu yahu jehin tat tumhare ram siy sukh pavahin
Pitu matu priy parivar pur sukh surati ban bisaravahin
Tulasi prabhuhi sikh dei ayasu dinha puni asish dai
Rati hou abiral amal siy raghubir pad nit nit nai
76.3
Doha/soratha
मातु चरन सिरु नाइ चले तुरत संकित हृदयँ।
बागुर बिषम तोराइ मनहुँ भाग मृगु भाग बस ॥75॥
Matu charan siru nai chale turat sankit hridayam
Bagur bisham torai manahun bhag mrigu bhag bas