UtshovDoha 70
70.1
Chaupai
लखि सनेह कातरि महतारी। बचनु न आव बिकल भइ भारी।।
राम प्रबोधु कीन्ह बिधि नाना। समउ सनेहु न जाइ बखाना।।
तब जानकी सासु पग लागी। सुनिअ माय मैं परम अभागी।।
सेवा समय दैअँ बनु दीन्हा। मोर मनोरथु सफल न कीन्हा।।
तजब छोभु जनि छाड़िअ छोहू। करमु कठिन कछु दोसु न मोहू।।
सुनि सिय बचन सासु अकुलानी। दसा कवनि बिधि कहौं बखानी।।
बारहि बार लाइ उर लीन्ही। धरि धीरजु सिख आसिष दीन्ही।।
अचल होउ अहिवातु तुम्हारा। जब लगि गंग जमुन जल धारा।।
Lakhi saneh katari mahatari, bachanu na av bikal bhai bhari
Ram prabodhu kinha bidhi nana, samau sanehu na jai bakhana
Tab janaki sasu pag lagi, sunia maya main param abhagi
Seva samay daiam banu dinha, mor manorathu saphal na kinha
Tajab chhobhu jani chharia chhohu, karamu kathin kachhu dosu na mohu
Suni siy bachan sasu akulani, dasa kavani bidhi kahaun bakhani
Barahi bar lai ur linhi, dhari dhiraju sikh asish dinhi
Achal hou ahivatu tumhara, jab lagi gang jamun jal dhara
70.2
Doha/soratha
सीतहि सासु असीस सिख दीन्हि अनेक प्रकार।
चली नाइ पद पदुम सिरु अति हित बारहिं बार ॥69॥
Sitahi sasu asis sikh dinhi anek prakar
Chali nai pad padum siru ati hit barahin bar