UtshovDoha 69
69.1
Chaupai
अस कहि सीय बिकल भइ भारी। बचन बियोगु न सकी सँभारी।।
देखि दसा रघुपति जियँ जाना। हठि राखें नहिं राखिहि प्राना।।
कहेउ कृपाल भानुकुलनाथा। परिहरि सोचु चलहु बन साथा।।
नहिं बिषाद कर अवसरु आजू। बेगि करहु बन गवन समाजू।।
कहि प्रिय बचन प्रिया समुझाई। लगे मातु पद आसिष पाई।।
बेगि प्रजा दुख मेटब आई। जननी निठुर बिसरि जनि जाई।।
फिरहि दसा बिधि बहुरि कि मोरी। देखिहउँ नयन मनोहर जोरी।।
सुदिन सुघरी तात कब होइहि। जननी जिअत बदन बिधु जोइहि।।
As kahi siy bikal bhai bhari, bachan biyogu na saki sambhari
Dekhi dasa raghupati jiyam jana, hathi rakhen nahin rakhihi prana
Kaheu kripal bhanukulanatha, parihari sochu chalahu ban satha
Nahin bishad kar avasaru aju, begi karahu ban gavan samaju
Kahi priy bachan priya samujhai, lage matu pad asish pai
Begi praja dukh metab ai, janani nithur bisari jani jai
Phirahi dasa bidhi bahuri ki mori, dekhihaum nayan manohar jori
Sudin sughari tat kab hoihi, janani jiat badan bidhu joihi
69.2
Doha/soratha
बहुरि बच्छ कहि लालु कहि रघुपति रघुबर तात।
कबहिं बोलाइ लगाइ हियँ हरषि निरखिहउँ गात ॥68॥
Bahuri bachchha kahi lalu kahi raghupati raghubar tat
Kabahin bolai lagai hiyam harashi nirakhihaum gat