UtshovDoha 61
61.1
Chaupai
बन हित कोल किरात किसोरी। रचीं बिरंचि बिषय सुख भोरी।।
पाइन कृमि जिमि कठिन सुभाऊ। तिन्हहि कलेसु न कानन काऊ।।
कै तापस तिय कानन जोगू। जिन्ह तप हेतु तजा सब भोगू।।
सिय बन बसिहि तात केहि भाँती। चित्रलिखित कपि देखि डेराती।।
सुरसर सुभग बनज बन चारी। डाबर जोगु कि हंसकुमारी।।
अस बिचारि जस आयसु होई। मैं सिख देउँ जानकिहि सोई।।
जौं सिय भवन रहै कह अंबा। मोहि कहँ होइ बहुत अवलंबा।।
सुनि रघुबीर मातु प्रिय बानी। सील सनेह सुधाँ जनु सानी।।
Ban hit kol kirat kisori, rachin biranchi bishay sukh bhori
Pain krimi jimi kathin subhau, tinhahi kalesu na kanan kau
Kai tapas tiy kanan jogu, jinha tap hetu taja sab bhogu
Siy ban basihi tat kehi bhanti, chitralikhit kapi dekhi derati
Surasar subhag banaj ban chari, dabar jogu ki hansakumari
As bichari jas ayasu hoi, main sikh deum janakihi soi
Jaun siy bhavan rahai kah amba, mohi kaham hoi bahut avalamba
Suni raghubir matu priy bani, sil saneh sudhan janu sani
61.2
Doha/soratha
कहि प्रिय बचन बिबेकमय कीन्हि मातु परितोष।
लगे प्रबोधन जानकिहि प्रगटि बिपिन गुन दोष ॥60॥
Kahi priy bachan bibekamay kinhi matu paritosh
Lage prabodhan janakihi pragati bipin gun dosh