UtshovDoha 60
60.1
Chaupai
मैं पुनि पुत्रबधू प्रिय पाई। रूप रासि गुन सील सुहाई।।
नयन पुतरि करि प्रीति बढ़ाई। राखेउँ प्रान जानिकिहिं लाई।।
कलपबेलि जिमि बहुबिधि लाली। सींचि सनेह सलिल प्रतिपाली।।
फूलत फलत भयउ बिधि बामा। जानि न जाइ काह परिनामा।।
पलँग पीठ तजि गोद हिंड़ोरा। सियँ न दीन्ह पगु अवनि कठोरा।।
जिअनमूरि जिमि जोगवत रहऊँ। दीप बाति नहिं टारन कहऊँ।।
सोइ सिय चलन चहति बन साथा। आयसु काह होइ रघुनाथा।
चंद किरन रस रसिक चकोरी। रबि रुख नयन सकइ किमि जोरी।।
Main puni putrabadhu priy pai, rup rasi gun sil suhai
Nayan putari kari priti barhai, rakheum pran janikihin lai
Kalapabeli jimi bahubidhi lali, sinchi saneh salil pratipali
Phulat phalat bhayau bidhi bama, jani na jai kah parinama
Palang pith taji god hinrora, siyam na dinha pagu avani kathora
Jianamuri jimi jogavat rahaum, dip bati nahin taran kahaum
Soi siy chalan chahati ban satha, ayasu kah hoi raghunatha
Chand kiran ras rasik chakori, rabi rukh nayan sakai kimi jori
60.2
Doha/soratha
करि केहरि निसिचर चरहिं दुष्ट जंतु बन भूरि।
बिष बाटिकाँ कि सोह सुत सुभग सजीवनि मूरि ॥59॥
Kari kehari nisichar charahin dushta jantu ban bhuri
Bish batikan ki soh sut subhag sajivani muri