UtshovDoha 52
52.1
Chaupai
उतरु न देइ दुसह रिस रूखी। मृगिन्ह चितव जनु बाघिनि भूखी।।
ब्याधि असाधि जानि तिन्ह त्यागी। चलीं कहत मतिमंद अभागी।।
राजु करत यह दैअँ बिगोई। कीन्हेसि अस जस करइ न कोई।।
एहि बिधि बिलपहिं पुर नर नारीं। देहिं कुचालिहि कोटिक गारीं।।
जरहिं बिषम जर लेहिं उसासा। कवनि राम बिनु जीवन आसा।।
बिपुल बियोग प्रजा अकुलानी। जनु जलचर गन सूखत पानी।।
अति बिषाद बस लोग लोगाई। गए मातु पहिं रामु गोसाई।।
मुख प्रसन्न चित चौगुन चाऊ। मिटा सोचु जनि राखै राऊ।।
Utaru na dei dusah ris rukhi, mriginha chitav janu baghini bhukhi
Byadhi asadhi jani tinha tyagi, chalin kahat matimand abhagi
Raju karat yah daiam bigoi, kinhesi as jas karai na koi
Ehi bidhi bilapahin pur nar narin, dehin kuchalihi kotik garin
Jarahin bisham jar lehin usasa, kavani ram binu jivan asa
Bipul biyog praja akulani, janu jalachar gan sukhat pani
Ati bishad bas log logai, gae matu pahin ramu gosai
Mukh prasanna chit chaugun chau, mita sochu jani rakhai rau
52.2
Doha/soratha
नव गयंदु रघुबीर मनु राजु अलान समान।
छूट जानि बन गवनु सुनि उर अनंदु अधिकान ॥51॥
Nav gayandu raghubir manu raju alan saman
Chhut jani ban gavanu suni ur anandu adhikan