UtshovDoha 51
51.1
Chaupai
अस बिचारि उर छाड़हु कोहू। सोक कलंक कोठि जनि होहू।।
भरतहि अवसि देहु जुबराजू। कानन काह राम कर काजू।।
नाहिन रामु राज के भूखे। धरम धुरीन बिषय रस रूखे।।
गुर गृह बसहुँ रामु तजि गेहू। नृप सन अस बरु दूसर लेहू।।
जौं नहिं लगिहहु कहें हमारे। नहिं लागिहि कछु हाथ तुम्हारे।।
जौं परिहास कीन्हि कछु होई। तौ कहि प्रगट जनावहु सोई।।
राम सरिस सुत कानन जोगू। काह कहिहि सुनि तुम्ह कहुँ लोगू।।
उठहु बेगि सोइ करहु उपाई। जेहि बिधि सोकु कलंकु नसाई।।
As bichari ur chharahu kohu, sok kalank kothi jani hohu
Bharatahi avasi dehu jubaraju, kanan kah ram kar kaju
Nahin ramu raj ke bhukhe, dharam dhurin bishay ras rukhe
Gur grih basahun ramu taji gehu, nrip san as baru dusar lehu
Jaun nahin lagihahu kahen hamare, nahin lagihi kachhu hath tumhare
Jaun parihas kinhi kachhu hoi, tau kahi pragat janavahu soi
Ram saris sut kanan jogu, kah kahihi suni tumha kahun logu
Uthahu begi soi karahu upai, jehi bidhi soku kalanku nasai
51.2
Chhand
जेहि भाँति सोकु कलंकु जाइ उपाय करि कुल पालही।
हठि फेरु रामहि जात बन जनि बात दूसरि चालही।।
जिमि भानु बिनु दिनु प्रान बिनु तनु चंद बिनु जिमि जामिनी।
तिमि अवध तुलसीदास प्रभु बिनु समुझि धौं जियँ भामिनी।।
Jehi bhanti soku kalanku jai upaya kari kul palahi
Hathi pheru ramahi jat ban jani bat dusari chalahi
Jimi bhanu binu dinu pran binu tanu chand binu jimi jamini
Timi avadh tulasidas prabhu binu samujhi dhaun jiyam bhamini
51.3
Doha/soratha
सखिन्ह सिखावनु दीन्ह सुनत मधुर परिनाम हित।
तेइँ कछु कान न कीन्ह कुटिल प्रबोधी कूबरी ॥50॥
Sakhinha sikhavanu dinha sunat madhur parinam hit
Teim kachhu kan na kinha kutil prabodhi kubari