UtshovDoha 38
38.1
Chaupai
राम राम रट बिकल भुआलू। जनु बिनु पंख बिहंग बेहालू।।
हृदयँ मनाव भोरु जनि होई। रामहि जाइ कहै जनि कोई।।
उदउ करहु जनि रबि रघुकुल गुर। अवध बिलोकि सूल होइहि उर।।
भूप प्रीति कैकइ कठिनाई। उभय अवधि बिधि रची बनाई।।
बिलपत नृपहि भयउ भिनुसारा। बीना बेनु संख धुनि द्वारा।।
पढ़हिं भाट गुन गावहिं गायक। सुनत नृपहि जनु लागहिं सायक।।
मंगल सकल सोहाहिं न कैसें। सहगामिनिहि बिभूषन जैसें।।
तेहिं निसि नीद परी नहि काहू। राम दरस लालसा उछाहू।।
Ram ram rat bikal bhualu, janu binu pankh bihang behalu
Hridayam manav bhoru jani hoi, ramahi jai kahai jani koi
Udau karahu jani rabi raghukul gur, avadh biloki sul hoihi ur
Bhup priti kaikai kathinai, ubhay avadhi bidhi rachi banai
Bilapat nripahi bhayau bhinusara, bina benu sankh dhuni dvara
Parhahin bhat gun gavahin gayak, sunat nripahi janu lagahin sayak
Mangal sakal sohahin na kaisen, sahagaminihi bibhushan jaisen
Tehin nisi nid pari nahi kahu, ram daras lalasa uchhahu
38.2
Doha/soratha
द्वार भीर सेवक सचिव कहहिं उदित रबि देखि।
जागेउ अजहुँ न अवधपति कारनु कवनु बिसेषि ॥37॥
Dvar bhir sevak sachiv kahahin udit rabi dekhi
Jageu ajahun na avadhapati karanu kavanu biseshi