UtshovDoha 37
37.1
Chaupai
चहत न भरत भूपतहि भोरें। बिधि बस कुमति बसी जिय तोरें।।
सो सबु मोर पाप परिनामू। भयउ कुठाहर जेहिं बिधि बामू।।
सुबस बसिहि फिरि अवध सुहाई। सब गुन धाम राम प्रभुताई।।
करिहहिं भाइ सकल सेवकाई। होइहि तिहुँ पुर राम बड़ाई।।
तोर कलंकु मोर पछिताऊ। मुएहुँ न मिटहि न जाइहि काऊ।।
अब तोहि नीक लाग करु सोई। लोचन ओट बैठु मुहु गोई।।
जब लगि जिऔं कहउँ कर जोरी। तब लगि जनि कछु कहसि बहोरी।।
फिरि पछितैहसि अंत अभागी। मारसि गाइ नहारु लागी।।
Chahat na bharat bhupatahi bhoren, bidhi bas kumati basi jiy toren
So sabu mor pap parinamu, bhayau kuthahar jehin bidhi bamu
Subas basihi phiri avadh suhai, sab gun dham ram prabhutai
Karihahin bhai sakal sevakai, hoihi tihun pur ram barai
Tor kalanku mor pachhitau, muehun na mitahi na jaihi kau
Ab tohi nik lag karu soi, lochan ot baithu muhu goi
Jab lagi jiaum kahaum kar jori, tab lagi jani kachhu kahasi bahori
Phiri pachhitaihasi ant abhagi, marasi gai naharu lagi
37.2
Doha/soratha
परेउ राउ कहि कोटि बिधि काहे करसि निदानु।
कपट सयानि न कहति कछु जागति मनहुँ मसानु ॥36॥
Pareu rau kahi koti bidhi kahe karasi nidanu
Kapat sayani na kahati kachhu jagati manahun masanu