UtshovDoha 32
32.1
Chaupai
आगें दीखि जरत रिस भारी। मनहुँ रोष तरवारि उघारी।।
मूठि कुबुद्धि धार निठुराई। धरी कूबरीं सान बनाई।।
लखी महीप कराल कठोरा। सत्य कि जीवनु लेइहि मोरा।।
बोले राउ कठिन करि छाती। बानी सबिनय तासु सोहाती।।
प्रिया बचन कस कहसि कुभाँती। भीर प्रतीति प्रीति करि हाँती।।
मोरें भरतु रामु दुइ आँखी। सत्य कहउँ करि संकरू साखी।।
अवसि दूतु मैं पठइब प्राता। ऐहहिं बेगि सुनत दोउ भ्राता।।
सुदिन सोधि सबु साजु सजाई। देउँ भरत कहुँ राजु बजाई।।
Agen dikhi jarat ris bhari, manahun rosh taravari ughari
Muthi kubuddhi dhar nithurai, dhari kubarin san banai
Lakhi mahip karal kathora, satya ki jivanu leihi mora
Bole rau kathin kari chhati, bani sabinay tasu sohati
Priya bachan kas kahasi kubhanti, bhir pratiti priti kari hanti
Moren bharatu ramu dui ankhi, satya kahaum kari sankaru sakhi
Avasi dutu main pathaib prata, aihahin begi sunat dou bhrata
Sudin sodhi sabu saju sajai, deum bharat kahun raju bajai
32.2
Doha/soratha
लोभु न रामहि राजु कर बहुत भरत पर प्रीति।
मैं बड़ छोट बिचारि जियँ करत रहेउँ नृपनीति ॥31॥
Lobhu na ramahi raju kar bahut bharat par priti
Main bar chhot bichari jiyam karat raheum nripaniti