UtshovDoha 31
31.1
Chaupai
एहि बिधि राउ मनहिं मन झाँखा। देखि कुभाँति कुमति मन माखा।।
भरतु कि राउर पूत न होहीं। आनेहु मोल बेसाहि कि मोही।।
जो सुनि सरु अस लाग तुम्हारें। काहे न बोलहु बचनु सँभारे।।
देहु उतरु अनु करहु कि नाहीं। सत्यसंध तुम्ह रघुकुल माहीं।।
देन कहेहु अब जनि बरु देहू। तजहुँ सत्य जग अपजसु लेहू।।
सत्य सराहि कहेहु बरु देना। जानेहु लेइहि मागि चबेना।।
सिबि दधीचि बलि जो कछु भाषा। तनु धनु तजेउ बचन पनु राखा।।
अति कटु बचन कहति कैकेई। मानहुँ लोन जरे पर देई।।
Ehi bidhi rau manahin man jhankha, dekhi kubhanti kumati man makha
Bharatu ki raur put na hohin, anehu mol besahi ki mohi
Jo suni saru as lag tumharen, kahe na bolahu bachanu sambhare
Dehu utaru anu karahu ki nahin, satyasandh tumha raghukul mahin
Den kahehu ab jani baru dehu, tajahun satya jag apajasu lehu
Satya sarahi kahehu baru dena, janehu leihi magi chabena
Sibi dadhichi bali jo kachhu bhasha, tanu dhanu tajeu bachan panu rakha
Ati katu bachan kahati kaikei, manahun lon jare par dei
31.2
Doha/soratha
धरम धुरंधर धीर धरि नयन उघारे रायँ।
सिरु धुनि लीन्हि उसास असि मारेसि मोहि कुठायँ ॥30॥
Dharam dhurandhar dhir dhari nayan ughare rayam
Siru dhuni linhi usas asi maresi mohi kuthayam