UtshovDoha 313
313.1
Chaupai
एहि बिधि भरतु फिरत बन माहीं। नेमु प्रेमु लखि मुनि सकुचाहीं।।
पुन्य जलाश्रय भूमि बिभागा। खग मृग तरु तृन गिरि बन बागा।।
चारु बिचित्र पबित्र बिसेषी। बूझत भरतु दिब्य सब देखी।।
सुनि मन मुदित कहत रिषिराऊ। हेतु नाम गुन पुन्य प्रभाऊ।।
कतहुँ निमज्जन कतहुँ प्रनामा। कतहुँ बिलोकत मन अभिरामा।।
कतहुँ बैठि मुनि आयसु पाई। सुमिरत सीय सहित दोउ भाई।।
देखि सुभाउ सनेहु सुसेवा। देहिं असीस मुदित बनदेवा।।
फिरहिं गएँ दिनु पहर अढ़ाई। प्रभु पद कमल बिलोकहिं आई।।
Ehi bidhi bharatu phirat ban mahin, nemu premu lakhi muni sakuchahin
Punya jalashray bhumi bibhaga, khag mrig taru trin giri ban baga
Charu bichitra pabitra biseshi, bujhat bharatu dibya sab dekhi
Suni man mudit kahat rishirau, hetu nam gun punya prabhau
Katahun nimajjan katahun pranama, katahun bilokat man abhirama
Katahun baithi muni ayasu pai, sumirat siy sahit dou bhai
Dekhi subhau sanehu suseva, dehin asis mudit banadeva
Phirahin gaem dinu pahar arhai, prabhu pad kamal bilokahin ai
313.2
Doha/soratha
देखे थल तीरथ सकल भरत पाँच दिन माझ।
कहत सुनत हरि हर सुजसु गयउ दिवसु भइ साँझ ॥312॥
Dekhe thal tirath sakal bharat panch din majh
Kahat sunat hari har sujasu gayau divasu bhai sanjh