UtshovDoha 27
27.1
Chaupai
अनहित तोर प्रिया केइँ कीन्हा। केहि दुइ सिर केहि जमु चह लीन्हा।।
कहु केहि रंकहि करौ नरेसू। कहु केहि नृपहि निकासौं देसू।।
सकउँ तोर अरि अमरउ मारी। काह कीट बपुरे नर नारी।।
जानसि मोर सुभाउ बरोरू। मनु तव आनन चंद चकोरू।।
प्रिया प्रान सुत सरबसु मोरें। परिजन प्रजा सकल बस तोरें।।
जौं कछु कहौ कपटु करि तोही। भामिनि राम सपथ सत मोही।।
बिहसि मागु मनभावति बाता। भूषन सजहि मनोहर गाता।।
घरी कुघरी समुझि जियँ देखू। बेगि प्रिया परिहरहि कुबेषू।।
Anahit tor priya keim kinha, kehi dui sir kehi jamu chah linha
Kahu kehi rankahi karau naresu, kahu kehi nripahi nikasaun desu
Sakaum tor ari amarau mari, kah kit bapure nar nari
Janasi mor subhau baroru, manu tav anan chand chakoru
Priya pran sut sarabasu moren, parijan praja sakal bas toren
Jaun kachhu kahau kapatu kari tohi, bhamini ram sapath sat mohi
Bihasi magu manabhavati bata, bhushan sajahi manohar gata
Ghari kughari samujhi jiyam dekhu, begi priya pariharahi kubeshu
27.2
Doha/soratha
यह सुनि मन गुनि सपथ बड़ि बिहसि उठी मतिमंद।
भूषन सजति बिलोकि मृगु मनहुँ किरातिनि फंद ॥26॥
Yah suni man guni sapath bari bihasi uthi matimand
Bhushan sajati biloki mrigu manahun kiratini phand