UtshovDoha 26
26.1
Chaupai
कोपभवन सुनि सकुचेउ राउ। भय बस अगहुड़ परइ न पाऊ।।
सुरपति बसइ बाहँबल जाके। नरपति सकल रहहिं रुख ताकें।।
सो सुनि तिय रिस गयउ सुखाई। देखहु काम प्रताप बड़ाई।।
सूल कुलिस असि अँगवनिहारे। ते रतिनाथ सुमन सर मारे।।
सभय नरेसु प्रिया पहिं गयऊ। देखि दसा दुखु दारुन भयऊ।।
भूमि सयन पटु मोट पुराना। दिए डारि तन भूषण नाना।।
कुमतिहि कसि कुबेषता फाबी। अन अहिवातु सूच जनु भाबी।।
जाइ निकट नृपु कह मृदु बानी। प्रानप्रिया केहि हेतु रिसानी।।
Kopabhavan suni sakucheu rau, bhay bas agahur parai na pau
Surapati basai bahambal jake, narapati sakal rahahin rukh taken
So suni tiy ris gayau sukhai, dekhahu kam pratap barai
Sul kulis asi angavanihare, te ratinath suman sar mare
Sabhay naresu priya pahin gayau, dekhi dasa dukhu darun bhayau
Bhumi sayan patu mot purana, die dari tan bhushan nana
Kumatihi kasi kubeshata phabi, an ahivatu such janu bhabi
Jai nikat nripu kah mridu bani, pranapriya kehi hetu risani
26.2
Chhand
केहि हेतु रानि रिसानि परसत पानि पतिहि नेवारई।
मानहुँ सरोष भुअंग भामिनि बिषम भाँति निहारई।।
दोउ बासना रसना दसन बर मरम ठाहरु देखई।
तुलसी नृपति भवतब्यता बस काम कौतुक लेखई।।
Kehi hetu rani risani parasat pani patihi nevarai
Manahun sarosh bhuang bhamini bisham bhanti niharai
Dou basana rasana dasan bar maram thaharu dekhai
Tulasi nripati bhavatabyata bas kam kautuk lekhai
26.3
Doha/soratha
बार बार कह राउ सुमुखि सुलोचिनि पिकबचनि।
कारन मोहि सुनाउ गजगामिनि निज कोप कर ॥25॥
Bar bar kah rau sumukhi sulochini pikabachani
Karan mohi sunau gajagamini nij kop kar