UtshovDoha 264
264.1
Chaupai
सुनि अति बिकल भरत बर बानी। आरति प्रीति बिनय नय सानी।।
सोक मगन सब सभाँ खभारू। मनहुँ कमल बन परेउ तुसारू।।
कहि अनेक बिधि कथा पुरानी। भरत प्रबोधु कीन्ह मुनि ग्यानी।।
बोले उचित बचन रघुनंदू। दिनकर कुल कैरव बन चंदू।।
तात जाँय जियँ करहु गलानी। ईस अधीन जीव गति जानी।।
तीनि काल तिभुअन मत मोरें। पुन्यसिलोक तात तर तोरे।।
उर आनत तुम्ह पर कुटिलाई। जाइ लोकु परलोकु नसाई।।
दोसु देहिं जननिहि जड़ तेई। जिन्ह गुर साधु सभा नहिं सेई।।
Suni ati bikal bharat bar bani, arati priti binay nay sani
Sok magan sab sabhan khabharu, manahun kamal ban pareu tusaru
Kahi anek bidhi katha purani, bharat prabodhu kinha muni gyani
Bole uchit bachan raghunandu, dinakar kul kairav ban chandu
Tat jany jiyam karahu galani, is adhin jiv gati jani
Tini kal tibhuan mat moren, punyasilok tat tar tore
Ur anat tumha par kutilai, jai loku paraloku nasai
Dosu dehin jananihi jar tei, jinha gur sadhu sabha nahin sei
264.2
Doha/soratha
मिटिहहिं पाप प्रपंच सब अखिल अमंगल भार।
लोक सुजसु परलोक सुखु सुमिरत नामु तुम्हार ॥263॥
Mitihahin pap prapanch sab akhil amangal bhar
Lok sujasu paralok sukhu sumirat namu tumhar