UtshovDoha 255
255.1
Chaupai
बोले मुनिबरु समय समाना। सुनहु सभासद भरत सुजाना।।
धरम धुरीन भानुकुल भानू। राजा रामु स्वबस भगवानू।।
सत्यसंध पालक श्रुति सेतू। राम जनमु जग मंगल हेतू।।
गुर पितु मातु बचन अनुसारी। खल दलु दलन देव हितकारी।।
नीति प्रीति परमारथ स्वारथु। कोउ न राम सम जान जथारथु।।
बिधि हरि हरु ससि रबि दिसिपाला। माया जीव करम कुलि काला।।
अहिप महिप जहँ लगि प्रभुताई। जोग सिद्धि निगमागम गाई।।
करि बिचार जिंयँ देखहु नीकें। राम रजाइ सीस सबही कें।।
Bole munibaru samay samana, sunahu sabhasad bharat sujana
Dharam dhurin bhanukul bhanu, raja ramu svabas bhagavanu
Satyasandh palak shruti setu, ram janamu jag mangal hetu
Gur pitu matu bachan anusari, khal dalu dalan dev hitakari
Niti priti paramarath svarathu, kou na ram sam jan jatharathu
Bidhi hari haru sasi rabi disipala, maya jiv karam kuli kala
Ahip mahip jaham lagi prabhutai, jog siddhi nigamagam gai
Kari bichar jinyam dekhahu niken, ram rajai sis sabahi ken
255.2
Doha/soratha
राखें राम रजाइ रुख हम सब कर हित होइ।
समुझि सयाने करहु अब सब मिलि संमत सोइ ॥254॥
Rakhen ram rajai rukh ham sab kar hit hoi
Samujhi sayane karahu ab sab mili sammat soi